XXVI

IRE, » dist Guenes, « dunez mei le cungied. Quant aler dei, n'i ai plus que targer. » Ço dist li reis : « Al Jhesu e al mien ! » 340 De sa main destre l'ad asols e seignet, Puis li livrât le bastun e le bref.

® ©^@ XXVII <m@ ®

GUENES li quens s'en vait a sun ostel, De guarnemenz se prent a cunreer,

De ses meillors que il pout recuvrer : 345 Esperuns d'or ad en ses piez fermez,

Ceint Murglies, s'espee, a sun costed ;

En Tachebrun, sun destrer, est munted ;

L'estreu li tint sun uncle Guinemer.

La veïsez tant chevaler plorer, 350 Ki tuit li dient : « Tant mare fustes ber !

En la cort al rei mult i avez ested,

Noble vassal vos i soit hom clamer.

Ki ço jugat que doûsez aler

Par Charlemagne n'ert guariz ne tensez.

355 Li quens RoUant nel se doûst penser,

Que estrait estes de mult grant parented. »

Enprès li dient : « Sire, car nos menez ! »

Ço respunt Guenes : « Ne placet Damnedeu !

Mielz est que sul moerge que tant bon chevaler. 360 En dulce France, seignurs, vos en irez :

De meie part ma muiller saluez,

E Pinabel, mun ami e mun per,