XXXV

TANT li preierent li meillor Sarrazin Qu'el faldestoed s'es Marsilies asis.

Dist l'algalifes : « Mal nos avez baillit, Que li Franceis asmastes a ferir.

455 Vos doûssez esculter e oïr.

— Sire, » dist Guenes, « mei l'avent a suffrir. Jo ne lerreie, por tut l'or que Deus fist Ne por tut l'aveir ki seit en cest païs, Que jo ne li die, se tant ai de leisir,

460 Que Charles li mandet, li reis poesteïfs, Par mei li mandet sun mortel enemi. »

Afublez est d'un mantel sabelin, Ki fut cuvert d'un pâlie alexandrin :

Getet le a tere, sil receit Blancandrin :

465 Mais de s'espee ne volt mie guerpir ;

En sun puign destre par l'orie punt la tint. Dient paien : « Noble baron ad ci ! » aoi.