CHAPITRE X

Des Chiens blancs grefliers.

re trouué tant de bonté ès Chiens de ceste race qu'il me semble que, ie n’en puis dire assez de bien. Car à la verité tout ce que les deux autres noirs et gris ont de bon est en eux, et ne tiennent rien de ce qu’ils ont de mauuais: ilsont le chasser braue et en vrais Chiens courans; ils sont plus vistes que les gris et plus sages que les noirs, iamais n'appellent qu’ils n’ayent le nez

dans les voyes, et quand le change bondit, c'est alors qu'ilsse glorifient en leur chasser : l'on ne voit gueres de Chiens de cette race, quelques ieunes qu'ils soient, courre autre chose que le droict, et se sauuent peu de Cerfs deuant eux, quelque ruse et retour qu'ils facents’ils sont bien conduits, et à bien dire, ce sont vrays Chiens de Roy, ils sont grands comme levriers, et ont la teste aussi belle que les braques, ils s'appellent greffiers, pour ceque du temps du Roy Louis XII, on print vn Chien de la race des Chiens blancs de S. Hubert, et en feit-on couurir vne braque d'Italie qui estoit à vn secretaire du Roy, qu'en ce temps là on appeloit Greffier, et le premier Chien qui en sortit, fut tout blanc, horsmis vne tache fauue qu'ilauoïit sur l’espaule, comme encores à present est la race. Le Chien estoit sibon qu'il se sauuoit peu de Cerfs deuant luy, il fut nommé Greffier à cause dudit Greffier qui auoit donné la Chienne, ledit Chien feit treize petits, tous aussi bons et excellens que luy, et peu à peu la race s’esleua : de sorte qu’à l’aduenement à la Couronne du feu Roy mon grand pere, elle estoit tout en estre. Ie ne veux obmettre que la maison et le parc des Loges, pres ma maison de S. Germain en Laye, n’a esté faicte pour autre occasion que pour nourrir et esleuer ceste race de Chiens blancs greffiers.