Jehan de Jeumont {ibid

donnance desdiz ducs et évesque, fist amener de ladicte cité le damoiseau de Rochefort, noble honime 1 , et Jehan de Saraine', chevalier, et autres jusques à quinze bourgois, lesquelz par le bourrel, les ungs après les autres, eurent les cols coppez.Et pareillement, plusieurs hommes d'église, et aussi aucunes femmes , à cause de ceste conspiracion, furent mortes et noiées en la rivière de Meuse 1 . Et lendemain lesdiz, et aussi l'évesque, à tout leur ost, tous ensemble se tournèrent vers Huy et se logèrent à trois lieues près en une ville nommé Beaucloquier, Ouquel lieu ilz eurent plusieurs parlemens ensemble sur les afaires du pays , et là vint le conte de Nevers , qui venoit au secours de son frère le duc de Bourgongne , à tout quatre cens combatans. Ouquel lieu pareillement furent amenez par ledit seigneur de Jeumont , dix-neuf bourgois de ladicte ville de Huy, qui, comme les autres et pour pareil cas furent décapitez , et comme devant furent noiez plusieurs gens d église et aucunes femmes. Vint aussi au lieu dessusdit devers iceuui duc de Bourgongne, Amé de Viri, Savoisieu, noble homme, et très expert en armes, pour le servir, acompaigné de trois cens bacinès du pays de Savoye. En après