ACCORDÉES PAR HENRI VI, ROI D'ANGLETERRE, A ENGUERRAN DE MONSTRELET

Henry, par la grâce de Dieu, roy de France et d'Angleterre. Savoir faisons à tous présents et avenir , Nous avoir esté humblement exposé de la partie de Enguerran de Monstrelet, cappitaine du chastel de Frevench 1 pour nostre trèscher et très amé cousin le conte de Saint-Pol : comme environ le mois de février, l'an mil iiii 0 xxn , ouquel temps les villes de Crotoy, Noielle , Rue et Maisons lez Ponthieu , tenoient parti contraire à nous, desquelles villes issoient souvent plusieurs gens d'armes Armignax, pour aller à Guise et ès mectes d'environ , et passoient parmy les pais obéissans à nous, un nommé Jehan le sergent, parent dudit Enguerran , feust venu audit chastel de Frevench pour le veoir, et arriva avec lui, Jehan de Molliens, qui long temps a suy les guerres de Nous et de nostre très cher et très amé cousin le duc de Bourgogne. Etjeurent la nuitié audit chastel de Frevench. Et landemain, au matin, ledit Jehan de Molliens dist audit Enguerran : « Enguerran , se vous voulez