Ce dernier membre de phrase manque dans l'édit. Vérard

[1400] DENGUERRAN DE MONSTRELET. 7

Vérité est que le dessusdit Charles le Bien-Aymé, fils du Roy Charles le Quint commença à régner et frit sacré à Reims le dimanche avant la feste de Tous Sains, Fan de grâce mil trois cens quatre vingts', comme plus à plain est déclairé ou livre de maistre Jehan Froissait; et n'avoit lors que quatorze ans d'aage. Et depuis là en avant, gouverna moult grandement son royaume et par très noble conseil ; fist en son commencement de beaulx voiages , où il se porta et conduit , selon sa jeunesse, assez prudentement et vaillamment , tant en Flandres, où il gaigna la bataille de Rosebecque * et réduit les Flamens en son obéissance , comme depuis en la valée de Cassel et es mètes du pays à l' environ, et aussi contre le duc de Gueldres. Et depuis aussi fut-il à l'Ecluse, pour passer oultre en Angleterre. Pour lesquelles entreprises fut fort redoubté par toutes les parties du monde où on avoit de lui congnoissance. Mais fortune, qui souvent tourne sa face aussi bien contre ceulx du plus haut estât comme du mendre, lui monstra de ses tours. Car, Tan mil trois cens quatre vingts douze, le dessusdit Roy eut voulenté et conseil d'aler, à puissance , en la ville du Mans , et de là passer en Bretaigne pour subjuguer et mectre en son obéissance le duc de Bretaigne , pour ce qu'il avoit favorisé messire Pierre de Craon qui avoit vilainement navré et injurié dedens Paris , à sa grant desplaisance, messire Olivier de Cliçon, son con-

A. Charles le Riche, dans l'édit. Vérard.