CHAPITRE GXLIII

Comment le roy Henry d'Angleterre fut adverti d'une conspîracion par ses gens faicte contre lui. Et du siège qui fu mis à Harfleu.

Item , ledit roy d'Angleterre venu au port de Hantonne avec tout son exercite prest pour passer la mer et venir descendre en France*, fut adverti que aucuns grans seigneurs de son hostel avoient fait conspiracion à rencontre de lui, voulans remetre le conte de La Marche*, successeur et héritier du roy Richard défunct, en possession du royaume d'Angleterre, ce qui estoit véritable. Car le conte de Cambray' et autres, avoient conclud de prendre le dessusdit roy et ses frères, en intencion d'acomplir les besongnes dessusdictes. Si s'en découvrirent audit conte de La Mar-