CHAPITRE CL

Comment, après le parlement du roy d'Angleterre, plusieurs François vindrent sur le champ pour trouver les amis du comte de Charrolols , qu'il feist mettre en terre, et autres matières ' .

Item, après ce que le roy d'Angleterre et ses Ânglois se furent partis le samedi* pour aler à Calais comme dit est , plusieurs François vindrent et retournèrent sur ledit champ, et, ce que par plusieurs avoit esté remué, fut par eulx de nouvel renversé, les aucuns pour trouver leurs maistres et seigneurs a fin de les porter pour enterrer en leurs pays, et les autres pour piller ce que les Anglois avoient laissé. Car ils n'avoient emporté fors or et argent, vestemens et haubers et aucune chose de grant valeur. Pour quoy la plus grant partie du harnois des François fut trouvée ou champ. Mais il ne demoura point grandement qu'ilz furent tous desnuez de leurs vestemens et mesmement la plus grant partie furent despouUez de leurs linges, draps , chausses , soulers et tous autres habillemens , par les paysans, hommes et femmes, des villages à l'environ, et demourèrent sur le champ tous nudz. Et en cedit samedi , dimenche , lundi , mardi et mercredi ensuivant, furent levez et bien lavez plusieurs princes et seigneurs. C'estassavoir les ducs de Brabant, de Bar et d'Alençon, les contes de Nevers, de Blammont

i. C'est le titre donné par l'édition de 1572. 2. 26 octobre.

et de Vaudemont et de Faulquemberge, le seigneur de Dampierre, admirai de France, lequel fut enterré à Hesdin dans l'église des Frères Mineurs , et les autres furent emportés parleurs serviteurs et amis, les ungs en leur pays, et les autres en plusieurs églises. Tous ceulx qui povoient estre congneuz furent levez et emportez pour estre mis en terre es églises de leurs seigneurs. En après , Phelippe de Charrolois sachant la dure et piteuse adventure des François, de ce aiant au cuer grant tristesse et par espécial de ses deux oncles, c'estassavoir le duc de Brabant et le conte de Nevers, qui estoient nudz sur le champ, si les fist aler quérir. Dont à ce faire furent commis de par lui l'abbé de Rousseauville et le bailli de Aire. Lesquelz firent mesurer en quarreure vingt-cinq piez de terre', en laquelle furent faictes trois fosses de la largeur de deux hommes , dedens lesquelles furent mis de compte fait cinq mille et huit cens hommes, sans ceulx qui avoient esté levez par leurs amis. Et aussi les autres navrez à mort qui alèrent mourir es bonnes villes aux hospitaulx et ailleurs , tant es villages comme par les boscagesqui estoient au plus près, desquelz y avoit bien grant nombre comme dit est ailleurs. Laquelle terre et fosses dessusdictes fut assez tost après benoiste et fait cymetière par l'évesque de Guynes, au commandement et comme procureur de Loys de Luxembourg lors évesque de Thérouenne. Et après furent faictes tout entour bayes bien espinées par dessus, à fin que les loups , chiens et autres bestes ne peussent entrer dedens pour défouir et menger les corps dessusdiz.