CHAPITRE CLI

Comment le dessusdit roy d'Angleterre alla par mer en Angleterre , où il fut joyeusemeiit reçeu pour sa bonne fortune : Et du comte de La Afarche qui alla en ItaUe ' .

Item, le xvi* jour de novembre, après ce que le roy d'Angleterre eut rafreschi ses gens en la ville de Calais, et aussi que les prisonniers qui avoient tenu la ville de Harfleur vindrent devers lui comme il leur avoit enjoinct et que promist l'avoient, monta sur mer et ala arriver à Douvres en Angleterre. Mais il advint que en trespassant, ladicte mer fut moult fort troublée, et tant que deux vaisseaulx pleins de gens du seigneur de Cornouaille furent péris , et aucuns autres arrivèrent devers Zélande au port de Cirixée'; ioutesfoiz ledit roy d'Angleterre, lui retourné en son pays, pour la victoire de ladicte bataille et aussi pour la conqueste que il avoit faicte de si noble porl comme est Harfleur, fut très grandement loé et glorifié du clergié et du peuple de son royaume*. Et s'en ala en la cité de Londres, menant tousjours les princes de France avecques lui, lesquelz il tenoit prisonniers.

Ouquel an, ung petit paravant, sire Jaques de Bourbon conte de La Marche estoit aie en Ytalie,