CHAPITRE GGLX
Comment le roy de France ala mettre le siège devant la ville de Creyl, laquelle il conquist.
Item, après que le roy de France eut sousjourné par l'espace d'un mois ou environ dedens la cité de Laon, il se parti de là, et par Soissons et Noyon s'en ala à Compiengne, oùilsousjourna par aulcuns jours, en attendant son armée qui se préparoit pour aler devant la ville de Creyl. Et non obstant que Guillemme de Flavy, capitaine d'ycelle ville de Compiengne , euyst son pardon et rémission du Roy, pour la mort du seigneur du Rieu, marescbal de France, qui estoit mort en ses prisons, toutefois n'ala il point devers le Roy. Mais par avant sa venue, pour la double des amis dudit seigneur mareschal, s'en ala avec le seigneur d'Offemont pour estre plus seur de sa personne. Et lors venoient gens de pluiseurs parties dudit royaume de France devers le Roy, qui par avant avoientesté mandés. Et peu de jours ensievans, se départy ledit Roy de ladicte ville de Compiengne et s'en ala à Senlis, où il
fi CHRONIQUE [1441]
sousjourna ung petit de temps, et puis se mist à chemin avec son exercite pour aler vers la ville de (]reil, que tenoient les Anglois. Si se loga assés près d'ycelle ville, au costë devers Paris. Et le connestable etaultres capitaines se logèrent à l'autre costè devant le pont. Devant laquelle ville, de première venue furent faites aulcunes escarmucbes. Et tost après furent assis les gros engiens du Roy contre les portes et murailles, dont très fort les adommagèrent, et tant que les assièges commencèrent à avoir grand doubte d'estre prins d'assault. Pour quoy, au bout de douze jours ou environ après ledit siège mis, requirent de Iraictier avec ycelui Roy ou ses commis. Sy leur fut octroyé. Et en fin d'ycelui traictié, furent contens de rendre ladicte ville et le chaste! avec tous les biens, par tel si qu'ils povoient emporter tant seulement leurs robes et ce qu'ils avoient d'argent. Et ce fait, s'en alèrent soubz bon sauf conduict, tous à pied, par la porte du pont en tirant vers la ville de Biauvais. Et y estoit en chief d'yceulx Anglois, messire Guillaume Chamberlan. Après lequel partement des dessusdis Anglois, le Roy entra dedensle chaste). Et les aultres seigneurs et capitaines se logièrent en pluiseurs lieux devant la ville. A laquelle garder il commist Yvon du Puis.
