TI

48 CHRONIQUE [ikki]

phin, avec grand partie des seigneurs et des capitaines; et y eut une moult grand escarmucbe, à laquelle furent prins deux des archiers du connestable de France et ungarcbier du conte de Saint-Pol. Et delà s'en alèrent logier en une [ville] nommée Courtie sur Saine, et lendemain retournèrent à Mante. Et le Roy s'en ala de Poissy à Conflans, à tout une partie de ses gens. El ledit connestable, le conte de Saint-Pol, et pluiseurs aul très, alèrent passeràSaint-Clau^et de là à Paris, où ilz furent deux jours. Et puis retournèrent, toutes gens de guerre, en l'isle de France, où leur furent délivrées villes pour eulx logier, cbascun selonc son estât. Et depuis le Roy, à tout les seigneurs qui estoiententour lui, alèrent à Saint-Denis en France, où ilz furent jusques à la mi-aoust. Et de là retourna le Roy encore à Conflans, où il fist faire un pont pour passer en ung isle sur la rivière de Saine. Avec ce, fist faire ung aultre pont pour passer la dessusdicte rivière tout oultre. Au bout duquel il fist faire ung bolevert et grans fossés entour, dedens lequel se logèrent grand nombre de gens de guerre. Durant lequel temps, Thalebot vint pillier la ville et l'abéye de Poissy ^ et les biens des dames, et puis s'en retourna à Mante. Et brief ensievant fut la ville de Pontoise ravitaillié pour la quatriesme fois, et y demourèrent les gens du duc d'Yorch ou lieu de ceulx qui y estoient de par ledit Thalebot. Dont le Roy fut moult troublé, véant qu'il estoit petit apparant que son entreprinse venistàbonne fin. En conclusion il se pensa en luy meisme, que se il se départoit de là sans