Le 8 juin

finance. El adonc le pape Jehan ' et ses cardinaulx, qui lors résidoient en icelle ville , oyans les nouvelles dessusdictes , tous pleins d'amertume et de paour , se saulvèrenl de chastel en chastel par divers lieux jusques à Boulongne la Grasse, où ledit pape tint sa court. Toutesfoiz la plus grant partie de leurs biens furent prins et ravis des gens dudit roy Lancelot , lequel par aucun espace de temps demoura en ladicte ville de Romme et en fist porter plusieurs précieux joiaulx, tant sainctuaires comme autres. Et depuis par certains moiens se départi de là.

En après , la vigile de la Pentecouste ', messire Jaques de La Rivière , frère au comte de Dampmartin , lequel avoit esté prins avec le duc de Bar en l'ostel du duc d'Acquitaine et mené prisonnier au Palais, en soy désespérant , comme on lui mist sus , lui mesme se féry d'un pot d'estain plusieurs cops en la teste tant qu'il se asservela et en mouru. Et de ladicte prison fut mis sur une charrete et mené es haies de Paris, où il fut décapité. Mais pour dire la vérité, il fut autrement. Car messire Hélion de Jaqueville, chevalier du duc de Bourgongne, le visita en prison, et entre plusieurs paroles l'appella faulx traistre , et comme sur ce lui respondi qu'il avoit menti et qu'il n'estoit point tel, ledit Jaqueville, tout courroucé, d'une petite hachète que lors il tenoit en sa main , le féri en la teste , tellement que tantost et incontinent en mourut \