CHAPITRE LIY

Comment l'évesque de Paris trespassa. - Des mariages, du duc de Brabant à la nièpce du roy de Boliesme , de Tainsné filz Montagu à la fille du seigneur d'Albret , et du roy de Chipre à Charlotte, fille du duc de Bourbon.

Sachez qu'en ces jours, messire Pierre d'Orgemonl'j évesque de Paris, trespassa en la maison épiscopale, à la fin du mois de juing^ A laquelle éveschié succéda messire Simon de Montagu, évesque de Poictiers et chancelier du duc de Berry, frère du Grant-maistre d'oslel du Roy et de l'arcevesque de Sens. Et fut reçeu honnorablement en l'église INostre-Dame de Paris, le xxn* jour de septembre ensuivant. Etestoientprésens^ Charles, roy de France, les ducs de Berry, de Bourgongne et de Bourbon, le roy de Navarre et plusieurs autres princes, prélas et autres gens sans nombre. Et fist la feste à l'aide de sondit frère Grant-maistre d'ostel du Roy, si habundamment et tant pompeusement, qu'il n'estoit mémoire que paravant les festes et mengers faizau temps passé feussent paraulx à cestui, tant en vaisselle d'or et d'argent, en diversitez et quantitez de mez, de vivres et de boires, que chascun en estoit esmerveillé. Pour lequel estât, grant partie des princes là estans, notèrent grandement ledit maistre d'ostel,

i. Ce chapitre est encore mal coté (lxiiii) dans l'édition de 1572, qui ne reprend le numérotage régulier qu'à partir du chapitre LV .

2. Le ms. Suppl, fr> 93 et les imprimés l'appellent, à tort, Jean d'Orgemont.