Ordinairement les cardinaux portaient le deuil en violet

3. Jean XXIII fut élu le 17 mai 4410, ordonné prêtre le 24, et couronné le lendemain.

qu'il seroit fort à les estimer. Et furent à la proucession vingt-quatre card inaulx , deux patriarches , trois arcevesques et vingt-sept abbez , tant mitrez comme non mitrez , sans les autres gens d'église qui estoient en très grant nombre. Et porta ledit pape , pour ce jour, une mitre vermeille bordée de blanc. Et le samedi ensuivant xxni^jour de may, icellui pape receuten la cliappelle de son prédécesseur les sainctes ordres des prestres. Et célébra la messe le cardinal de Viviers , et fut dyacre le cardinal de Chalant. Auquel service fuirent tous les cardinaulx dessusnommez et les prélas. Et lendemain , qui fut dimenche , ledit pape célébra la messe en l'église de Saint-Pierre, et avoit ledit cardinal de Viviers auprès de lui qui lui monstroit son service*. Et là estoient le marquis de Ferrare et messire Charles Malateste , qui ten oient le bacin où ledit pape lavoit ses mains. Lequel de Ferrare avoit mené avecques lui en sa compaignie cinquante quatre chevaliers, tous vestus de vermeil et d'asur, et avoit six trompètes et trois paires de ménestrelz, tous jouans chascun de son instrument. Et oultre, la dessusdicte messe célébrée par ledit pape Jehan , il fut porté hors de ladicte église , et là sur ung eschafault bien et notablement ordonné ou parois d'icelle église, fut assis et posé, et là couronné, présens tous ceulx qui là estoient , dont il y avoit vingt six cardinaulx , deux patriarches , cinq arcevesques , vingt six évesques , vingt huit abbez mitrez , et vingt deux non mitrez, avec grant multitude de docteurs et autres gens d'église. Et lui estant en ladicte

1. En effet on vient de voir qu'il disait alors sa première messe.

70 CimONIQUE , . [4 410]

chaière, qui estoit toute couverte de drap d'or, estoieut entour et environ de lui les cardinaulx de Viviers , de Chalant, de Milet, d'Espaigne, de Thurin et de Bar dessusnommez , à tout des estoupes et du feu, lesquelz en mectant le feu èsdictes estoupes , dirent au pape : Pater sancte^ sic transit gloria mundi. C'est à dire, Père Saint , ainsi se passe la gloire du monde. Et ce firent et dirent ainsi par trois foiz , et à chascune fois estaignoient le feu et ralumoient. En après , le cardinal de Viviers disl sur lui et sur sa couronne aucunes croisons, lesquelles finées mirent ladicte couronne sur son chef. Et estoit icelle couronne double de trois couronnes. C'estassavoir la première d'or, qui environnoit le front par dedens la mitre. La seconde d'or et d'argent , et estoit ainsi que ou milieu d' icelle mitre, et la tierce estoit d'or très pur et précieux , et surmontoit ladicte mitre \ Et après qu'il eust esté couronné et qu'il fut descendu dudit eschafault , fut mis sur un cheval qui estoit tout couvert de vermeil ; et les chevaulx des cardinaulx, patriarches, arcevesques et évesques estoient tous couvers de blanc. Et chevaucha en cest estât de rue en rue par toute la cité , faisant le signe de la croix , jusques en la rue où demeurent les Juifz, lesquelz lui offrirent par escript leur loy, laquelle de sa propre main il print et receut et garda , et tantost la gecta derrière lui, en disant : « Vostre loy est bonne , mais la nostre vault mieulx. » Et lui paiti de là , les Juifs le suivoient, le cuidans actaindre , et fut toute la couverture de son cheval deschirée. Et le pape

1 . Cette mention de la tiai'e est à noter, comme aussi plus bas, la manière dont les Juifs furent traités à cette cérémonie .

[14d0] D'ENGUERRAN DE MONSTRELET. 71

gectoit par toutes les rues où il passoit, monnoie, c'eslassavoir deniers que on appelle quatrins et mailles de Florence, et autre monnoye ; et avoit devant lui et derrière luy deux cens hommes d'armes, et chascun en sa main une mace de cuir dont ilz frapoient les Juifz , telement que c'estoit grant joie à veoir. Et puis s'en retourna en son palais.

Lendemain, le pape , avec les dessusdiz cardinaulx vestus de rouge, trois patriarches vestus ainsi, dix arcevesques et trente évesques, ainsi semblablement vestus et mitrez de blanches mitres , et quarante abbez , tant mitrez comme non mitrez , le marquis de Ferrare, le seigneur de Maleteste, le seigneur de Gaucourt *, et des autres, quarante quatre, tant ducs comme chevaliers de la terre d'Ytalie, tous vestus des paremens de leurs livrées , et en chascune rue deux à deux alans à pie , menans le pape par le frain de son cheval, l'un à dextre et l'autre à senestre. Et là estoient trente six buisines ou trompètes, dix paires de ménestrelz sonnans instrumens de musique , et en chascune couple avoit trois ménestrelz. Et si y avoit chantres , par espécial les chantres de la chap pelle de son prédécesseur, et aussi les chanoines des cardinaulx et plusieurs d'Ytalie, qui tous chevauchoient devant le pape et chantoient motetz et virelais, moult hault. Et il donna sa paix à tous les cardinaulx , lesquelz par ordre et de degré en degré lui baisèrent le pié et la main et la face. Et commença le cardinal de Viviers, et en après les patriarches , arcevesques , évesques et

1 . Il se trouvait alors en Italie pour conduire un secours au maréchal Bouciquaut.

72 CHRONIQUF: [4 410]

abbez , et conséquemtnent les autres gens d'église. Et par les quatre éléraens donna sa bénéicion à tous estans en estât de grâce , et à ceulx qui n'y estoient pas, il les dispensa jusques à quatre mois après ensuivans, afin que pendant ce temps ilz se y raeissent, en priant que pour son prédécesseur le pape Alixandre cliascun deist trois fois Pater nos ter et Ji^e Maria, Et de là , s'en ala au disner, et estoit environ douze heures, et quant ledit mistère fut commencé \ il estoit entre quatre et six heures du matin. Pour ladicte solennité de lui, chascun faisoit feste par toute la cité de Bounongne , par l'espace de huit jours. Et à chascun jour le collège de l'église cathédrale de Saint-Pierre fist procession entour ladicte église, et estoit tout ledit collège vestu de chapes vermeilles. Et pareillement furent les Chartreux du mont Saint-Michel estans en dehors des murs de Bonongne. Et lendemain, c'estassavoir xxv^ jour du mois de may, ledit pape Jehan XXIIP conferma sa court. Et aux cardinaulx , patriarches , arcevesques et évesques , au marquis de Ferrare et aux héraulx d'Ytalie donna plusieurs dons et deniers. Et furent faictes grandes festes et dances, en sonnant plusieurs et divers instrumens de musique. Et le xxvi* jour ensuivant, révoqua tous ce que le pape Alixandre avoit fait, excepté ce qu'il avoit confermé et ce qui estoit accepté , dont on avoit prins possession corporelle ou espirituelle.

Item, le vendredi après le couronnement dudit

1. C'est-à-dire le repas. Mistère (ministerium), tout ce qui se fait par des ministri^ des officiers, des gens d'office. De là le sens donné au mot mestier. On disait les six mestiers de l'hôtel . Isolé, ce mot devint synonyme de besoin : avoir mestier d'une chose.

[1410] D'ENGUERRAN DE MOINSTRELET. 73

pape, le roy Loys de Cécile vint en ladicte cite de Bonongne , à l'encontre duquel alèrent hors de la ville vingt deux cardinaulx , six arcevesques , dix patriarches, vingt évesques et dix huit abbez. Et lui, entré dans la cité , ala tout droit devers le pape. Si estoit vestu de vermeil, et son cheval estoit couvert de campanes dorées * ; et avoit en sa compaignie environ cinquante chevaliers, vestus de telz pareures. Et le derrenier jour de may, que ledit roy arriva , fut très noblement receu dudit pape. Et lendemain les Florentins vindrent devers lui et lui firent révérence papale, et estoient environ trois cens chevaulx , entre lesquelz avoit dix-huit chevaliers vestus de vermeil , à beaulx plumaulx pailletez d'or, et avoient six trompâtes, deux héraulx , et dix hommes jouans d'instrumens de musique. Et après ce qu ilz eurent faicte ladicte révérence au pape , retournèrent en leurs hostelz, et lendemain revindrent à court. Et pour ce qu'ilz estoient aliez au roy Loys , supplièrent au pape qu'il voulsist audit roy bailler confort et aide contre son adversaire le roy Lanselot , lui disant qu'ilz lui bailleroient et feroient toute l'aide et assistence qu'ilz pourroient , tant d'argent que de hommes d'armes. Et estoient iceulx Florentins moult troublez et courroucez du dommage que les Genevois avoient naguères fait audit roy Loys sur la mer, à passer devant le port de Gennes. Car il est vérité que icellui roy Loys passant devant la cité de Gennes , venant de Marseille à tout cinq galées , lesdiz Génevoiz, qui estoient aliez au roy Lancelot , furent desplaisans de ce qu'il passoit ainsi

i. Clochettes, grelots.

sans avoir nul empeschement, et pour ce, en la faveur de son adversaire , mirent sus bien en liaste quinze galées ou environ , lesquelles ilz furnirent d'arbalestrierset de gens d'armes, qu'ilz envoièrent à l'encontre de son autre navire qui le suivoit , lesquelz ilz rencontrèrent et ruèrent jus. Si les emmenèrent prisonniers et prindrent toutes leurs bagues , et tout firent mener en ladicte cité de Gennes, excepté une nave , laquelle par force de vent recula tant, qu'elle eschapa toute seule et retourna à Marseille dont elle estoit partie. Néantmoins ledit pape , oyes les requestes desdiz Florentins, print une dilacion à leur respondre. Et pour ce que bonnement ne povoit faire ce qu'ilz lui requéroient , parce que paravant les Génevoiz estoient aliez avecques lui, et aussi qu'il avoit fait aucunes promesses à icellui roy Lancelot, fut la besongne lors prolonguée. Et ce non obstant , comme dit est , fut lors le roy très agréablement et honnorablement festyé dudit pape et de ses cardinaulx , et depuis se partit assez content de toute la court, et retourna en Prouvence. Et le premier jour de juing ensuivant , la court dudit pape fut ouverte. Et signa plusieurs supplicacions et bénéfices et de grâces expectatives. Et tout ce qu'on lui requéroit raisonnablement, il signoit. Et dès lors commença à tenir audience publique et fist tout ce qu'à son office de papalité appartenoit.

[lilO] D'ENGUERRAN DE MONSTRELET. 75