D'AMOUR ET S'AMYE

Amour est bien de perverse nature Qu'après m'avoir navré de sa poingture Et consolé du don de jouyssance, A mis m'amye en si cruelle chance Que de m'aymer n*à plus vouloir ne cure.

Comme inconstante et de cueur faulce et lasche Elle me laisse, or puis qu'ainsi me lasche, A vostre advis la doibs je point lascher ? Certes ouy, mais aultrement fascher Je ne la veulx, combien qu'elle me fasche.

AULTRE (i)

Le vray amy ne s'estonne de rien, Et dautantplus que danger le tourmente, Plus en espoir fermeté le contente.

En endurant tous maulx pour ung seul bien, Qui ne m'entent assez je m'entens bien.

(i) Epigramme de Melin de Sainct-Gelays (Voir l'éd. Prosper BUnchemain, III, p. 2).

AULTRE

Amour lascif ne peult sa nourriture Prendre et avoir de pauvre créature, Car pauvreté et amour (ce me semble) N'eurent jamais bonne habitude ensemble, S'il est ainsi c'est bien contre nature.

AULTRE

Ung musequin d'un assez beau maintien Trouvayung jour, sans m'esm[o]yer de rien Je l'embrassay et lui feis coup à quille, Las (dict-elle), comme cela frétille; Encore ung coup, car il me faict grand bien,