LES GÉNÉALOGIES
du noble Francus ftl\ du preux Hector de Troye, jusques a Francoys premier de ce nom roy de France, extr aides et recueillies par Gilles Corro^et.
es anciens et modernes historiographes se accordent tous que Francus filz Dhector de Troye, fut le premier qui laissant le pais Dasie ou Frigie vint habiter en nostre pays de Europe et sarresta au pays Panonnie ou il donna commencement et construction a la cite de Sicambre, quon dict maintenant Bude en Hongrie, duquel sont yssus les très nobles roys de Gaulle.
Plusieurs escripuains francoys ont commence leurs cronicques a cestuy Francus, mais ce a este en brief et obscurément, dentre lesquelz a emporte la couronne lauree Ieban le maire grandt investigateur desdictes choses, et lequel a amplement descript les Généalogies dicelluy, et non pas iusques a présent. Les autres cronicqueurs ont seullement commence a Pharamond premier roy des Francoys en continuant les faictz et gestes de ses successeurs. Voulant doncques tousj ours illustrer la tresnoble et inuictissime nation Gallicane et Francoyse, ie descripray succinctement les noms des princes et successeurs en ligne directe dudict Francus depuis quil habita es marches de par deca, jusques au très chrestien Roy de France, Francoys premier de ce nom a présent régnant héritier dudict Francus, comme de luy extraict et yssu, et portant le nom, ou quasi semblable de son ancien prédécesseur par fatalle disposition, comme il semble.
Francus comme dict est fllz du très preux Hector. Apres la finale destruction
de Troye, fonda la cite de Sicambre au pays de Pannonie ou Hongrie la basse, et espousa la fille de Rhemus, roy de Gaulle, fondateur de Reims en Champaigne et régna ledict Francus ou Francion sur les Celtes, peuple de Gaulle.
Sicambert roy des Sicambriens, ou Francoys filz dudict Francus régna soixante deux ans en ladicte cite de Sicambre.
Priam second de ce nom, filz de Sicambert fut roy troisiesme.
Hector second de ce nom filz de Priam fut roy quatriesme.
Troyrus filz de Hector, régna pour roy cinquiesme.
Torgotus filz de Troyrus, fut roy sixiesme.
Tungris fut filz de Torgotus, duquel porte le nom la cite de Tongres.
Theuto fut filz de Tungris, de luy sont venus les Theutonicques que nous disons Allemans, ou Lansequenetz.
Agrippa fut filz de Theuto, de luy porte son nom la ville de Agrippine ou Coullongne.
Ambro fut filz de Agrippa, dont les Ambrons portent le nom.
Thuringus filz de Ambro, donna le nom au pais de Thuringue.
Gimberfilz de Thuringus, donna le nom au peuple de Cimbres.
Camber fut filz de Gimber, duquel porte le nom la cite de Gambray.
Melbrand fut filz de Camber.
Magius roy de Cimbres, fut filz de Melbrand.
Menapius filz de Magius roy des Cimbres, fonda le chasteau de Megie entre les riuieres du Rhin et de Meuse, et donna le nom aux Menapiens peuple de Gaulle belgique.
Godeffroy Karle fut filz de Menapius roy des Cimbres.
Charles ynach roy de Tongres, fut filz de Godeffroy Karle.
Swane fille de Charles ynach, et de Swane sœur de Iulles César, fut mariée par ledict Gesar a Saluius Brabon, et institueez par luy premiers duc et duchesse de Brabant, durant sa conqueste de Gaulle.
DE paris. 9 5
Charles Brabon filz de Saluius Brabon, descendu de Francus de Troye, et par ledict Saluius engendre en ladicte Swane fut second duc de Brabant.
Iulius filz de Charles Brabon, tiers duc de Brabant fonda la cite de Iuliers.
Octauius filz de Iulius, quatriesme duc de Brabant, régna quarante six ans.
Godard filz dudict Octauius, fut cinquiesme duc de Brabant, et régna quarante sept ans.
Godeffroy filz de Godard fut sixiesme duc de Brabant, et régna quarante cinq ans.
Vveric septiesme duc de Brabant et de Tongres fut filz de Godeffroy, et régna soixante et dix ans.
Artsard huytiesme duc de Brabant, et de Tongres fut filz de Vveric, et régna quarante huyt ans.
Marsiandus fils dudict Artsard, fut neufuiesme duc de Brabant, et de Tongres régna quarante deux ans.
Taxander filz de Marsiandus, premier prince Chrestien en ceste Généalogie, fut
dixiesme duc de Brabant, et régna trente et ung an.
Ansigisus filz de Taxander, fut unziesme duc de Brabant, et régna trente ans.
Charles le Bel troisiesme de ce nom en ceste généalogie, fils de Ansigisus fut douziesme duc de Brabant, du temps de Merouee troisiesme roy de France, et régna uingt et deux ans.
Lando treisiesme duc de Brabant, fut filz de Charles le bel, et régna dixhuyt ans.
Austrasius quatorziesme duc de Brabant, filz de Lando fut du temps du roy Clouis, premier roy chrestien et donna le nom au royaulme Daustrasie ou Austriche.
Charles Nason filz dudict Austrasius, fut quinziesme duc de Brabant.
Charles Hasbain filz de Charles Nason, fut seiziesme duc de Brabant.
Karlomam filz de Charles Hasbain fut dixseptiesme duc de Brabant.
Pépin lancien surnomme de Landem
fut filz de Karlomam, et dixhuytiesme duc de Brabant.
Bega fille dudict Pépin lancien, fut mariée a Anchises marquis du sainct empire sus lescault.
Pépin Heristel duc de Brabant fut filz de Anchises et de ladicte Bega, cestuy fut Maistre du Pallais de France.
Charles martel maistre du Pallais de France filz de Pépin heristel fut duc Daustriche la basse, et créa quatre roys en France. Cestuy gaigna plusieurs grosses batailles et eut tousjours victoire contre les infidèles ses ennemys.
Pépin le Brief filz de Charles Martel duc de Brabant et Daustriche la basse par auctorite du pape zacharie fut sacre roy de France au desadvantage du lignage de Merouee et fut le vingtroisiesme Roy de France selon les cronicques.
Charlemaigne filz du roy Pépin fut roy de Frances et empereur de Romme.
Loys le de Bonnaire filz de Charlemaigne fut Roy de France et empereur de Romme.
Charles le Chauue filz de Loys le de Bonnaire fut roy de France.
Loys le Bègue roy de France fut filz de Charles le Chauue.
Charles le simple roy de France fut filz de Loys le Bègue.
Loys quatriesme du nom Roy de France fut filz de Charles le simple.
Charles premier duc de Loraine filz de Loys quatriesme fut mis prisonnier a Orléans par Hue Capet qui contre luy occupa le royaulme de France.
Emengarde fille dudict Charles fut mariée a Geoffroy conte de Namur.
Aliz fille dudict Geoffroy et de la dicte Emengarde fut mariée à Baudouyn conte de Henault.
Baudouyn premier du nom en ceste généalogie conte de Henault fut filz dudict Baudouyn et de ladicte Aliz.
Baudouyn second de ce nom comte de Henault fut filz dudict Baudouyn premier.
Ysabeau fille dudict Baudouyn second fut mariée a Phelippe Auguste roy de France.
Loys huitiesme de ce nom Roy de France fut filz dudict Philippe Auguste et de ladicte Ysabeau.
Sainct Loys roy de France fut filz de Loys huitiesme.
Philippes tiers du nom Roy de France fut filz de Sainct Loys.
Charles conte de Valloys fut filz de Philippe le tiers.
Philippe de Valloys roy de France fut filz de Charles de Valloys.
Iehan roy de France fut filz de Phelippes de Valloys.
Charles le quint roy de France fut filz du roy Iehan.
Loys du Dorleans fut filz dudit Charles cinquiesme.
Iehan conte Dangoulesme fut filz de Loys duc Dorleans.
Charles conte Dangoulesme fut filz dudict Iehan et de madame Marguerite de Roham.
Francoys premier du nom Roy de France a présent régnant et ma dame Marguerite Royne de Nauarre duchesse
des duchez de Berry et Dalencon furent enfans dudict Charles conte Dangoulesme, et de ma dame Loyse de Sauoye.
Comme il appert par la déduction de ceste généalogie laquelle a dure lespace de deux mille sept cens et environ dix ans. Le roy Francoys a présent régnant est descendu en la soixante et quatriesme génération du preux Hector de Troye duquel sont yssus quasi tous les Roys de France. Et par ainsi sont moult dignes de haulte gloire et louenge, veue leur noble origine et ancienne source, et le noble lignage dont ilz sont sortiz et deriuez.
Plus que moins.
et excellences de la ville de Paris, Des noms des rues, églises, et collèges dicelle ville auec la généalogie du noble Roy Francoys.
