AUX ÉTATS IDE

A très excellent et poissant prince sen chier signeur mon signeur Philippe par la grâce de Dieu roy de France, Engerrans, sires de Couci, d'Oysi et

de lui aparilliet à faire sa volenté. Chiers sires, j'ai receu vos lettres que

je fusse à Tours as trois semaines de Pasques avec vous et à vostre consaill pour aucunes ordonnances aidier à faire seur le fait que on enmet à l'ordre des templiers se ensi puet estre apelez, en aucunes autres choses ausi, ou je î envoie pour mi procureur soufissant. Sache vostre haute noblece, que je, non bien aisié de cors de estre y en propre persone, dont il me poise, se il pleut à notre signeur, envoie au lieu et au jour devant diz men signeur Thoumas, de le Mote , men chevalier porteur de ces lettres , pour mi et en men non , et li doins plain pooir et mandement especial de acorder et de faire , tout autant com je feroie , porroie et deveroie faire , si je i estoie prescns , et aï et arai ferme et estable ce qui sera acordé , dit et fait par le dit mon signeur Thoumas es choses devant dites. Ou tesmoignage des quels choses, je ai ces lettres seellées de men seel , qui furent faites l'an de grâce mil trois cens et wit , le dimanche après la feste saint Marc l'éwangeliste ^.

1 Or. Arch. de rEmp. . J. 415 . n» 171.

2 Or. J. 414, n« 3.