Le ms. de Moatp. entre autres
SECOND TRAITÉ. — APOSTÈMES, EXITURES ET PUSTULES
OU clairet, ou via grec, et bon cleré \ Qu’il vse de la purée des pois ciches, auec oignons, et persil, du calament et rhuë, en laquelle on met du cumin. La chair soit de la volaille, et autre, selon qu’a esté dit au chapitre precedent.
Pour la seconde, que la vertu digestiue soit confortée auec bonnes espices et compositions, qui ont nom du cumin, et du calament, et auec telle dragée ^ ; PR. de i'anis, du fenouil, du carni, dauci, cumin, bagues de laurier, le tout pilé, de chacun vne once : r égalisé rasclée, zinzemhre blanc, galange, de chacun demie once : clouds de girofle, cubebes, poivre long, semence de rhuë, de chacun deux drachmes : anis confit, vn quarteron : pain de succre, demie Hure, qu’il en soit fait dragée. Et par dehors soit oingt l’estomach auec huiles d’espic, cost, et rhuë.
La troisiesme intention est accomplie, auec les choses qui ont vertu meslée de résoudre, et euaporer, et qui restreignent moyennement®, sans qu’ils augmentent les douleurs. A cecy on prend trois sortes de remedes, de Galen au quatorziesme de la Thérapeutique : La première est, esponge neufue trempée en sauon ou lexiue chaude. Et quand il y auroit grand douleur, la partie soit oingte de quelque huile résolutif, ou auec quelque relaxatif chalastique la douleur n’estant si forte. La seconde forme est, de laine grasse trempée en sauon, ou lexiue, auec vin cuit, et huile, meslez ensemble, y àioutant de vinaigre et vin austere, sur tout au commencement. Il y a grand force au sauon, au vinaigre, et non pas tant au vin. Or tu y mesleras plus de ceux-cy, sçauoir est, de vin, vinaigre, et huile, que de sauon, quand tu voudras mitiguer la douleur. Et quand tu veux repousser et corroborer, tu y mettras plus de vin que des autres, et que ce soit du vin noir austere : et quand tu aymeras mieux résoudre, plus de sauon. Touchant au vinaigre, il ayde à tous deux : car nous auons demonstré qu’il a vertu meslée. La troisiesme forme soit vn Uniment de terre grasse, et de chaux viue, cuits ensemble en eau, et vin.
Mais en cas que telle ventosité fut fumeuse, maligne et corrompuë, esleuée de matière venimeuse, et qui court par les membres auec douleur et ardeurs insupportables, il n’y a autre conseil, selon Guillaume de Salicet, que quand on l’aura surprinse en vn lieu, le membre soit lié
t. « Et bonum pigmentum »; et bon pigment, c’est Thyppocras.
2. Ce mot dragée, outre la vulgaire signiQcation, est prins souuent pour la poudre qu’on vse apres le repas : comme celle qu’on nomme communément digestiue. (J.)
3. Galen ordonne cecy à Tenfleure des muscles, surtout à celle qui est née de contusion... Dequoy il appert que cette curation n’est pas de la tumeur venteuse, ains de la contusion de laquelle nous craignons qu’il n’advienne phlegmon. Ce que Guy devoit expliquer plus distinctement. (J.)
