Chapitre adminiculatif

De VAposteme aigueux.

V phlegme aigueux, et sereux, est engendré aposteme aigueux, laxe, et du tout sans douleur. Dont Galen disoit au sixiesme des Maladies et Symptômes, que des superfluitez sereuses i redondantes, l’bydropisie est engendrée au corps : vescies et apostemes aigueux, aux parties.

Leur cause, est la vertu alteratiue refroidie, et mal disposée, et la mauuaistié, et aquosité des viandes. Et pource Galen au quatorziesme de la Thérapeutique , et au second à Glaucon, accompare tel phlegme au phlegme des hydropiques, et des corps mal habituez, lequel est du tout aigueux, ne diuersifiant pas sa cure de celle de l’Oedeme vray, sinon en plus grande exiccation.

Les signes et iugemens sont comme du vray Oedeme, fors que la tumeur est plus laxe en cestuy-cy, que en cestuy là : et pource ne résisté tant à l’attouchement, et sonne non pas comme vent, ains comme eau, et transluit aucunement contre la lumière. En l’aposteme aigueux la chaleur est plus debile, qu’au venteux, comme escrit Galen au quatriesme des Aphorismes, commentaire vnziesme, où il est dit : Ceux qui ont des tranchées, etc. Les apostemes aigueux aduiennent plus aux pieds et aux genitoires, et à la teste, ou aux iointures, qu’en autres lieux : d’autant que l’aquosité y descend plus, et la chaleur y est plus hebetée \ au second des Prognostics. Comme la ventosité n’est gueres trouuée sans eau, ainsi l’eau n’est enclose en vne partie sans vent.

La curation a cinq intentions. La première, est au régime ; la seconde,, en la rectification de la digestion ; la troisiesme, en la purgation par le ventre : la quatriesme, en l’euacuation par vrine : la cinquiesme, en euaporation de l’humidité conjointe. Galen a ordonné des deux premières