Et nasalia 3>; les errhines

220 TROISIÈME TRAITÉ. — PLAIES

lions des gros humeurs, comme par la liiere et les pilules d’agaric. Les clysteres piquans y sont très-bons, comme aussi la phlébotomie quelquefois. Item les gargarismes, et nasals sternutatoires auec choses piquantes, y sont expédients ; et les onctions par le col, sous les aisselles, et aux aynes, auec huiles chauds, de lys, du cost, despic, delaurin, et de pouliot, fortifiez auec castorée, et euphorbe, y sont bonnes : et de mettre par dessus grandes quantité de laine bien molle.

A telle conuulsion Rogier dicte vn tel onguent, et Théodore l’a accepté : PR. huile muscellin, vne once : petrehuüe \ demye once : huile commun, et beurre, de chacun quaire onces : cire, vne once : styrax calamite, et stirax rouge, de chacun deux drachmes et demie : mastic et encens, de chacun demie once : gomme de lierre, trois drachmes et demie. Tout ce qui se peut fondre soit mis sur le feu, et le reste puluerisé soit meslé : finalement y soit adiousté le stirax, et en soit fait onguent, duquel on oindra le col et deuant et derrière, l’espine, et tout le corps entre deux feux. Théodore en vn autre lieu, semble adiouster à cet onguent les herbes qui entrent en l’onguent Aragon et Agrippa : et d’huile castorin, et graisse de limaces rouges : et l’appelle Alabastre. Il est fort propre à la contraction des nerfs. S’il y suruenoit fiéure, pourueu que ne fust que d’vn iour, il seroit bon.

Les estuues, et parfums secs ^ et tout ce qui prouoque la sueur, sont profitables à cette conuulsion. Quand à celle qui est faite par compassion, s’elle est de douleur, est curée par médicaments de parties subtiles, et auec autres qui appaisent la douleur : ainsi qu’il sera dit au traité des playes des nerfs. Et si c’est de piqueure de beste saunage, soit traitée auec de la theriaque, et ventouses sur le lieu. Et si c’est vne mordication d’estomach, soit prouoqué le vomissement, et l’estomach soit conforté : Et en tous spasmes, le cerneau soit conforté, et en oignant la teste, le col, le dos, les aisselles, et les aines, auec huile de lys : lequel est propre médicament au spasme humide, ainsi que dit Auenzoar. Et qu’vn baston soit tenu entre les dents, afin qu’elles ne se ferment du tout. Et si on n’y peut faire autre chose, le nerf qui mande la nuisance soit totalement retranché, comme Rhasis le conseille : car il vaut mieux perdre l’action d’vn membre, que de tout le corps.

De la Paralysie. Paralysie aussi ensuit les playes, et les contusions, mesmement de la teste, et de tout le dos : ainsi qu’il est déclaré par plusieurs exemples au troisiesme des Lieux affligez. Mais sçauoir mon s’elle ensuit les playes du costé mesme, ou de l’opposite, il en sera fait