Generatur vel germinatur
DOCT. I, CH. I. — PROPOS GÉNÉRAL DES PLAIES
et le lict des membres spirituels ; et qu’elle contient vne moüelle de vraye humidité. Ainsi tu assembleras beaucoup de bonnes intentions. Car en confortant la substance qui couure, et la substance des esprits, et les nerfs, et tous les os, tu secourras à la Paralysie, et à toutes maladies des nerfs, au battement de cœur, et au tremblement: il subuient ^ manifestement aussi à la lassitude, et est le médicament des médicaments le plus soudain à conforter.
La maniéré de le faire est : PR. myrrhe eslite, aloës hepatic, spicnard^ sang dragon, encens, mumie, opopanax, bdellion, carpobalsame, saffran, mastic, gomme arabique, stirax Liquide, stirax rouge, de chacun deux drachmes et demie : musc, demy drachme : therehentine, au poix de tout le reste : tout cela mis en poudre, soit meslé auec la therebentine, et mets tout en vn alembic, et le distille ingénieusement : et reçoy l’eau distillée en vn vaisseau de verre : car elle approche fort du beaume ^ J’y adioustois quelquefois les herbes de la paralisie, et elle estoit plus precieuse.
De la Syncope. Syncope, selon Galen, au douziesme de la Thérapeutique, est vn soudain et fort abbatement de la vertu, qui a accoustumé suiure les euacuations . démesurées, et les douleurs. Tu la cognoistras par le poulz defaillant, et par la couleur pasle, et le mouuement (principalement des paulpieres, et des extremitez) difficile, comme s’il ne les pouuoit hausser, et par la sueur froide, mesmement à l’entour du col. La syncope ne doit estre aucunement mesprisée : car c’est vn chemin à la mort, voire est appellée de chacun petit mort.
Son régime et curation est, quand à présent, d’obuier tant qu’on peut que syncope n’aduienne en consolant le malade et chassant la multitude des personnes, afin que n’eschauffent la chambre, et n’espouvantent le malade. Il y a à preuoir auant qu’elle vienne, qu’on donne au patient vne petite roustie de pain blanc, trempée en tres-bon vin, auec vn peu d’eau rose : et qu’il boiue vn peu de ce vin là. Car (comme dit Galen au lieu dessus allégué) il faut donner à ceux qui syncopisent quelque vin de nature chaud, et prompt à estre distribué. Qu’il soit aussi arrousé, et qu’on iette roidement en son visage de l’eau rose, ou d’eau froide, si on n’a de l’eau rose : qu’on frotte les extremitez : qu’on luy tire le poil, le nez, les oreilles, et qu’on l’appelle haut par son nom propre : qu’on luy donne des soufflets, et autres choses soyént faites, ainsi que commendent en ce cas Messieurs les Physiciens.
De la resverie. Resueries ® (selon Galen au cinquiesme des Maladies
