DOCT. II, CH. IH. — PLAIES DU COL ET DU DOS

sont semblables aux passions du cerueau ; comme il a esté allégué en Tanatomie du liure de l'Vsage des parties. Mais si elle ne paruient à la moûelle, combien qu’elle soit guérissable, il faut craindre (pour la lésion des nerfs qui naissent d’icelle partie de la nuque) de la nuisance du sentiment et mouuement des membres ausquels ces nerfs sont deleguez, .

comme cy-apres sera dit de la fracture des vertebres. Dauantage, les playes qui attaignent les nerfs récurrents, causent vn enrouement perpétuel. Et si elles paruiennent à certain nerf qui passe prés des oreilles, on dit que l’homme n’engendrera iamais. Quant à l’incision de quelque veine spermatique, c’est vne mocquerie, ainsi que cy-dessus a esté allégué en l’anatomie. Outre ce, les playes des grosses veines, et artères sont périlleuses, d’autant que à raison de leur hémorrhagie, l’esprit et la vie s’exhalent bien tost. Dauantage, il a esté dit, que les playes de l’œsophage et de la trachée artere sont périlleuses, parce qu’elles font seruice immédiatement necessaire à la vie, et auec ce, telles parties sont de difficile consolidation : d’autant qu’elles sont les passages de l’air et de la viande.

Leur curation, touchant la playe de la chair, n’a rien de propre. Soient cousues, (d traitées auec poudre, et vin, et autres remedes. Quant aux nerfs et cordes, soient aussi cousues profondément, et traitées auec huile de vers, et emplastrées.

Quant aux grosses veines et arteres, soient cousues j et emplastrées de la poudre de Galen, et poil de heure, aubin d’œuf. Et si cela ne vaut, les chefs de veines, soient escorchez \ et soient liez, comme dessus a esté dit en flux de sang. Quant aux passages de l’air et de la viande, soient cousus et traitez par dehors auec de la poudre et autres remedes ; et qu’on baille par dedans à sucer aux malades, du Dragaganthe, ou Dyasymphyton Touchant à la nuque, qu’on arrouse la playe d’huile rosat chaud : et qu’on mette par dessus au commencement moyeu d’œuf, iusques à tant que la douleur soit appaisée.

Quand il aura fait sanie, soit mondifié et incarné auec cet emplastre, qui est de Guillaume et de Lanfranc : PR. miel rosat coulé, quatre onces : farine d’orge, demy once : therebentine, trois drach. : cire et résiné, de chacun deux drachmes : encens et mastic, de chacun vne drach. : myrrhe, sarcocolle, mumie, de chacun demy drachme : huile de mastic, trois drachmes : soit fait emplastre.