Reuoluat », revolvere, rouler en arrière, etc

DOCT. n, CH. V. — PLAIES DE LA POITRINE

GINQVIESME CHAPITRE

Des playes de la poitrine, et de ses parties.

ES playes de la poitrine, c’est grande merueille, que nous en trouuons si peu traité par Galen, Halyabbas et Auicenne, mesmement quant aux membres contenants, car des contenus ils en ont dit beaucoup. Touchant aux autres qui en ont traité apres ceux-là, nous les trouuons assez discordants.

Car Rogier, Roland, lamier, Brun, Guillaume et Lanfranc, semblent vouloir (au moins aux playes pénétrantes), qu’elles ne soient aucunement estraintes, et que le sang ne soit retenu au profond, ains qu’elles soient tenues ouuertes auec des mesches et tentes, et mondifiées auec vnguents et emplastres et lauements ^ attractifs. Et se fondent sur ce, que si la matière estoit retenue au dedans, elle recourroit au cœur, et aux autres parties, et tueroit le malade. Mais Théodore et Henric veulent qu’on les ferme du tout, et qu’on n’y mette aucune tente, ains soient cousues, si besoin est : et que pour conforter nature, on leur donne du pigment ou clairé, auec les poudres qu’on a accoustumé donner aux playes de la teste. Et se fondent, sur ce, que si elles n’estoient bien tost fermées, la chaleur naturelle exhaleroit par ces playes, et la froideur de l’air qui confond ladite chaleur, y entreroit.

Quant à nous, excusants Galen et ses sectateurs, et accordans ceux qui discordent en cette cure, dirons, quand est de présent, ce qu’appert euideinment, commençans de la substance de la chose proposée.

Différences. Des playes de la poitrine, tant de la part anterieure, que des autres endroits, les vnes sont externes et non pénétrantes ; les autres pénétrent dans l’espace intérieur. Et celles qui pénétrent, quelquesfois sont simples, sans playe des membres contenus, quelquesfois lesdits membres sont blessez, comme le cœur, poulmon et diaphragme. Et en toutes les deux, quelquesfois il est descendu vn peu de sang dedans l’espace intérieur, et quelquesfois beaucoup. Ce sont les différences, desquelles en telles playes, on prend indications curatiues.

Les causes desdites playes, suiuant ce qu’a esté dit és propos communs, sont toutes choses qui peuuent percer et tailler, comme flesche, trait, et espée.

Le signe que la playe de la poitrine pénétré, est que l’haleine sort par la playe, mesmement quand on ferme la bouche et les narilles du malade,