Incidere membrum
QUATRIÈME TRAITÉ. — ULCÈRES
TROISIESME CHAPITRE
De Vvlcere sordide et poiirry
jES (leux aussi ue different, sinon à raison de plus ou de moins. Car quand Tvlcere n’a que saleté et sanie grosse et visqueuse, il est nommé sordide', mais quand sa malice augmente tellement qu’elle pourrit et mortifie la chair, y laissant escharre, de laquelle s’esleue vne fumée puante et cadaureuse, il est appelé pourry fraudulent. Et si sa malice est ambulatiue, il passe en Esthiomene, et à la mort de l’homme.
Les causes de tels vlceres sont humeurs sanguins gros, mauuais et bouillants : de laquelle ébullition ils ont acquis vne vénénosité. Le plus souuent ensuiuent les carboncles et enthraces : aussi les apostemes, et playes qu’on a mal traitées.
La cure de tels vlceres consiste en maniéré de viure, et en euacuations telles qu’on a dit cy-dessus des Carboncles et des Pustules crouteuses et pourries. Dont Auicenne dit au quatriesme : La curation de ces meschants vlceres est meilleure quand on netloye le corps, ou la partie seulement, si le corps est net, auec ce qui la nettoye seule : comme ventouses, caraxations sangsues et epithemes, qui rectifient l’oppilation : aussi en faisant meilleur sang, par conuenable maniéré de viure.
I. Puis il faut venir à l’vlcere : et qu’e/^ premier lieu soit laué de son ordure auec eau miellée, ou auec eau de mer. Apres soit mondifié auec l’vnguent des Apostres, ou auec l’vnguent Ægyptiac : et par dessus soit appliqué (ainsi que Lanfranc commande) vn mondificatif composé de suc d’aloyne, miel rosat, farine d’orge, et de la myrrhe. Et tousiours aux enuirons, vnguent de bol : et au dessus, estoupes auec oxycrat.
IL Mais si la sordicie est conuertie en pourriture et corruption, le lieu soit laué d’oxycrat, ou d’eau de cendre ou de sauon. Et soit emplastré au(îc chairs de poissons salez, et farine d’orobe, et aristolochie (non pas ronde, mais longue, ainsi que dit Théodore) et de squilles cuits en vin, et meslez auec du miel.
A mesme intention Auicenne ordonne ce médicament esprouué, lequel Brun concédé : PR. dragacanth rouge, vne once : de chaux viue, alun, et escorce de grenades, de chacun six drachraes : encens et galles, de
