Spadagrapum aut oxicroceum

DOCT. II, CH. n. — DESNOLEURE DE LA MACHOIRE

cation auec l’eau de la décoction de maulues, et guimaulues : puis soit oingte du Dialthæa, et emplastrée du grand Diachylon, ou de laine à tout le suin, trempée en muccilages, et escorce de la racine de guimauliie, cuites, et pilées, et graissées d’oingl. Le lieu ainsi bien remolly, la jointure soit réduite et guerie. Et si estant guerie, son mouuement reste difficile ou nul ; soit traitée comme il sera dit au sixiesme, de la Goutte et des passions des jointures, et en l’Antidotaire aussi.

SECOND CHAPITRE

De la desnouëiire de la maschoire.

maschoire quelquefois se rend molle ou lasche, quelquefois est en spasme, et quelquefois se desnouë ; sa dislocation quelquefois est en deuant, et pour lors la bouche demeure ouuerte , tout ainsi qu’en la mollesse : quelquefois en derrière, au contraire de ce qu’aduient par la mollesse, comme dit Auicenne, et adonc les dents basses entrent sous les hautes, comme dit Lanfranc : et la bouche ne peut estre ouuerte, non plus que en le spasme.

Les signes de la desnoüeure, outre les signes vniuersels donnez, sont que iamais les dents hautes se peuuent esgaler aux basses.

Il est iugé par Auicenne et Halyabbas, que si on ne la réduit tost, elle s’endurcit, et ameine fiéure, douleur, flux cholérique, et mauuais accidents, iusques à Ce qu’il tué le patient au dixiesme iour.

Quand elle est en derrière, on la réduit ainsi : Que l’vn des seruiteurs tienne la teste, et celuy qui rabille mette son poulce dans la bouche, et les autres doigts sous la maschoire, ou vn coing de bois s’il n’y peut mettre les doigts : et adonc en tirant fort la maschoire, qu’il pousse l’os sous les oreilles en sa place. Si c’est en deuant, suiuant Guillaume et Lanfranc, il faut mettre vne bande assez forte sous le menton, qui comprenne tout le menton, et lors vn des seruiteurs (quand tu auras mis le coing dans la bouche le plus en arriéré que tu pourras) tirera fort les bouts de la bande par derrière, tenant ses genoüils sur les espaules du patient, luy gisant à l’enuers, comme lamier enseigne, et ainsi elle sera (Dieu aidant) rabillée. Apres le rabillement, qu’on y mette des emplastres, et les pièces accoustumées, et soit lié de ligature conuenable, ditte en fracture. On le remué de quatre en quatre iours. Il est communément affermy dans douze iours. Qu’il couche sur vn cous-

374 CINQUIÈME TRAITÉ. — FRACTURES ET DISLOCATIONS

sinet ferme : et vse de viandes sorbiles, afin que ne luy faille mascher. Si elle a demeuré longuement desnoüée, et est dure, qu’on la baigne, et remollisse auec eau tiede, huile, et autres choses conuenables comme dit est, et soit rabillée. S’il y suruient de mauuais accidents, obuies-y selon qu’ils seront : comme à la douleur, en rasant la teste, et l’oignant, ensemble le derrière des oreilles, et le col, et sous les aisselles, auec huile rosat chaud : et traite-le.

TROISIESME CHAPITRE

De la dislocation du col^ et des nœuds de l'eschine

ES vertebres du col et du dos, quelquesfois se desnoüent entièrement, quelquesfois non du tout. Et leur dislocation quelquesfois est en dedans, quelquesfois en dehors, quelquesfois

à costé : et quelquesfois est aux vertebres hautes, et fait la

squinance escroûelleuse, au quatriesme des Lieux affligez : quelquefois aux basses, quelquesfois aux moyennes, et fait gibbosité.

Les signes de ces desnoüeures sont éuidents à l’œil, et à l’attouchement.

Il est iugé que toute dislocation des vertebres est dangereuse et suspecte au rabiller, à cause de la nuque et des nerfs, sur tout celle qui se fait en dedans : parce qu’elle ne peut estre maniée ainsi qu’il conuient. On iuge aussi, que la desnoüeure des vertebres supérieures nuist à l’aual- 1er, des moyennes au respirer, des inferieures à l’vriner, et aller à la selle.

Le moyen de la rabiller est assez long en Albucasis, Halyabbas, et Auicenne : mais en somme, en la dislocation des vertebres du col, l’on tire la teste sagement en haut auec les mains, ou auec vne bande, comme dit lamier, ayant mis vn coing entre les dents, par le menton, ou par les poils, ou par les oreilles : et les espaules sont poussées des pieds en bas % et l’eminence est pressée. Ez autres, qu’on estende le corps, et soit tiré des deux costez par tous moyens, ou auec bandes, à vn pilier, et cheuilles, ou poulies, ou vn tournoir, et semblables engins ® : et l’eminence soit comprimée auec les mains ou les pieds, ou vne planche