DOCT. II, CH. II. — EMBELLISSEMENT DE LA FACE
noirceur : le froid, l’acte venerien, la tristesse et longues maladies, à blancheur : et le manger des choses iaunes, comme du cumin, amme, et viandes salées, à jaulneur. Et pource lean de Saint Arnaud, suiuant la doctrine d’Auicenne notte, que certaines choses font bonne couleur, les vnes prises au dedans, et les autres mises par dehors.
De celles qui le font par dedans, les vnes le font, parce qu’elles engendrent sang bon et subtil ; comme œufs mollets, et les bouillons de bonnes chairs, le vin aromatique, et viandes de bonne substance Les autres le font parce qu’elles dispersent le sang et l’élargissent ^ aux parties externes : comme fait l’vsage modéré des figues, du poivre, du girofle, et du saffran. Les autres parce qu’elles purifient le sang : comme la triphere mineur, les myrobolans et semblables.
Celles qui mises par dehors causent bonne couleur, le font par attraction, et abstersion : Et ce sont linimens et lauemens prins de la farine des febues pelées, pois ciches, ers, orge, froment, amydon, rys, et semblables, desquels Rhasis, Halyabbas, Auicenne, et Azaram, ont accoustumé faire de tels fards ; PR. farine de pois ciches^ febues, orge, amandes pelées, tragacanth, graine de raifort, autant d'vn que d'autre, soient destrempez auec du laict, et que de nuict on en face epitheme sur le visage, et le matin soit laué d’eau chaude de la décoction des violettes seiches, ou de son. Si on y adioustoit des racines seiches de lys, narcisse, iris, et aron, et qu’on en fist des trochiscs, lesquels au besoin on destremperoit auec du laict, seroit fort profitable.
A cela mesme ordonne Auicenne ce qui s’ensuit : PR. du sauon, vne Hure : ammoniac, demy Hure, soient fondus en trois Hures deau : puis qii'on iette là dessus, de V encens, mastic, et nitre, de chacun demy once : du miel, huict onces : Tout soit fort broyé dans vn vaisseau vernissé ; et qu’on en applique de nuict.
A mesme fin Théodore fait vne belle déalbation, préparant ainsi la ceruse : Qu’elle soit destrempée d’eau claire, durant vn mois au Soleil chaud, la coulant tous les iours, et renoûuellant l’eau et, que finalement on la laisse desseicher. C’est ce qu’on appelle ceruse préparée, et blanchie : de laquelle PR. cinq parts : des perles, crystal, nitre et borax, de chacun vne partie : camphre, sar cocolle, myrrhe claire, et argent vif sublimé, de chacun demy part. Soient subtilement puluerisez, et moulus sur vne pierre de marbre, et qu’on lès reserue en poudre : ou soient incorporez auec eau rose, et réduits en trochiscs. On les garde : et quand on en a affaire, il les faut destremper auec huile de tartre, et en appliquer.
1. « Vt oua sorbilia, et brodia bonarum camium,... et cibi bonae substantiae. »
