DOCT. I, CH. I. — DES ^-ENTOUSES

superficie du corps : et elle diminuée, diminué les humeurs, et les enferme au dedans. Outre ce, il est bon que le iour soit austral de l’heure seconde iusques à la tierce. Dauantage, c’est l’intention de tous operateurs, que le lieu qu’on doit ventouser soit baigné, et fomenté auant l’application de la ventouse, durant vne heure, auec de l’eau chaude. Ce qu’Auicenne accorde estre vray, si le sang est gros ; car au sang subtil il n’est pas necessaire, d’autant qu’on doit craindre la trop grande resolution et foiblesse. Il faut aussi preuoir, qu’on ne fasse iamais scarification, que au préalable on n’ait appliqué vne ventouse seiche : car il faut plustos attirer le sang, q*ue l’euacuer.

Quant à l’acte de ventousation, il faut sçauoir que les ventouses qu’on applique, sont de deux sortes, comme il a esté dit. Les vues sont de corne, lesquelles on applique en sucçant : les autres sont de verre, qu’on applique auec du feu.

En la première on applique le cornet, auec son trou et en sucçant on attire l’air par la bouche, et par l’attraction de l’air, suit esleuation de la chair, à ce que nature remplisse le vuide ; lequel elle esuite tousiours % ainsi que les Philosophes ont prouué.

En la seconde sorte on met dedans la ventouse vn peu d’estoupe seiche escharpie® : laquelle on inflamme auec vne chandelle allumée : soudain on l’applique, et l’air estant consumé, Nature (pour secourir au vuide) attire la chair, et la matière conjointe à la chair.

Albucasis assigne vne autre maniéré de l’appliquer, en mettant vn peu de chandelle allumée en vne vergette qui soit au milieu de la ventouse.

Or aÿans esté appliquée la ventouse seiche vne fois ou deux, où il est necessaire, on fait dans l’espace comprins, plusieurs scarifications par ordre et profondes' selon le cuir, auec lancette ou rasoir. Et incontinent apres, le lieu estant essuyé auec vne esponge, on reapplique la ventouse, ainsi que deuant. Et qu’elle y demeure demie heure, iusqii’à tant qu’elle soit demy pleine de sang. Elle estant ostée, vuidée et nettoyée, soit derechef par mesme moyen appliquée, et qu’elle y demeure plus longtemps : et puis vne autre, iusqu’à ce que l’euacuation faite soit suffisante, de demy liure iusques à vne liure : selon la teneur de la vertu, et la quantité de la repletion.

Et si apres la première application, il ne saigne bien, le lieu scarifié soit frotté des bords de la ventouse, ou par coup des ongles °, ou soit derechef

1. « Dies sit australis. » Le ms. 24249 dit : « que le iour soit chault ».