DOCT. I, CH. VI. — ANTIDOTES DES PLAIES. DES CORROSIFS

auquel ne semble rien précieux sinon qu’il soit de grand coust Le moyen d'operer est, que auant que l’vlcere soit totalement remply de chair, on laue l’vlcere ou la playe de vin chaud, auquel ayent cuit des balaustes, ou auec de l’eau alumineuse, si l’vlcere est eschauffé. Et quand on l’aura bien essuyé, qu’on applique le médicament, et soit couuert auec des estouppes baignées de même, et exprimées : et soit bandé d’vne ligature incarnatiue ^

Des medicamens corrosifs^ putref actifs^ et caustiques^ rompans la chair et le cuir.

Qvand il y a quelque chose estrangere en l’vlcere ou aposteme, qui ne peut estre guerie auec maturatifs, et mondificatifs, adonc il est necessaire qu’il soit extirpé, ou auec les ferremens, ou auec les medicamens. Et combien que l’extirpation auec des ferremens soit plus asseurée (veu qu’elle est tost faite, et que l’impression qu’elle fait passe bien tost) qu’auec des medicamens, lesquels sont aigus, et piquans, et induisent vn long temps douleurs, et lièvres : neantmoins parce que plusieurs sont craintifs, et aimeraient mieux mourir que d’endurer le fer, et auec ce l’incision est dangereuse en quelques endroits, il faut vser medicamens extirpatifs, qui sont nommez de Galen au cinquiesme des Medicamens, colliquatifs, et des vulgaires, corrosifs. Mais il ne se faut pas gueres soucier des noms, comme il dit consecutiuement.

Il y en a trois especes : sçauoir est des foibles, des forts, et des tresforts. Les foibles, sont dits proprement corrosifs : les plus îov[?>,putref actif s : les tres-forts, caustiques et ruptoires. Et iaçoit que tous ces medicamens soient chauds, et aucunement terrestres, toutesfois les corrosifs le sont moins ; plus, les putrefactifs : les caustiques sont extremes en chaleur et grossesse. Et pource les corrosifs n’agissent qu’en chair molle et superficielle : les putrefactifs, en la peau et en la chair, dure et profonde : les caustiques, en la peau et en la chair, soit dure ou molle, et superficielle ou profonde.

Il adulent bien aucunesfois, que l’vn fait l’operation de l’autre, et c’est à raison de la quantité, ou du séjour, ou de la complexion du patient : comme l’experience le monstre, et Henric confirme et dit cela mesme. Doncques le médicament corrosif est selon Auicenne, celui duquel la

1. « Quibus non videtur pretiosum, nisi sit sumptuosum. » — Le ms. 24249 : sil nest snmptueux.

2. Canappe escrit, ligature retentiue ou retenante, mais moins conuenable et à propos, dit Joubert; celle-cy estant commune à tous et très vulgaire.

SEPTIÈME TRAITÉ. — ANTIDOTAIRE

propriété est telle que de sa resolution et degastement * s’ensuit diminution de la substance de la chair. Ce que font, quand la chair superflue est en petite quantité, les eslouppes de chanvre decouppées menu, et l’esponge tranchée en petites lames : comme aussi les hermodaclyls puluerisez, et l’alun, l’onguent des apostres et semblables.

Mais quand la chair est copieuse, la coupe-rose y est necessaire, et le verd de gris, l’onguent verd, et l’ægyptiac, et les trochiscs de chaux de maistre Dyn^ desquels la forme est telle ; PR. chaux viue, tant que tu voudras, soit puluerisée, et paistrie auec du miel, et soient faits des trochiscs. Qu’on les brusle dans vne cassole, soient desseichez.

Cela mesme font les trochiscs d’asphodel : desquels la forme selon Rogier est telle ; PR. jus de la racine d'asphodel, six onces : chaux niue, deux onces : orpigment, vne once. Soient raeslez, et desseichez au Soleil au mois d’Aoust, et en soient faits trochiscs.

A cela mesme sont aussi trochiscs Aldaron, qui sont dits d’Andromach, et se font ainsi selon Auicenne : PR. escorce de grenades, dix drachmes : galles, huict drachmes : myrrhe et aristolochie ronde, de chacun quatre onces : dragacanth, et alun jamen % de chacun deux. drachmes : Zegi (qui est vitriol), quatre drachmes, soient mis en poudre, et paistris auec du vin doux, et en soient faits trochiscs.- A mesme fin sont faits les trochiscs Calidicon, et sont de Galen : PR. de la chaux viue, vne partie : orpigment rouge, et citrin, salicor et acacie, de chacun demy partie ; soient puluerisez, et paistris auec le capitel, et en soient fait trochiscs.

Le capitel qA double, l’vn commun dit cy-dessus au nettoyement de la teste : l’autre propre, selon Dyn, lequel i’ay aucunement corrigé. Il se fait ainsi : PR. de la chaux viue, et du sel ammoniac, de chacun vne Hure : soient pilez et paistris auec lexiue des cendres du tronc des febues, et soient mis dans vn pot, qui soit subtilement percé au fond, et sous iceluy vn autre pot entier, auquel soit receu le capitel. Qu’on les enseuelisse dans vne fosse, et qu’on les y. laisse durant sept iours. La colature sera vn fort beau capitel. Il vaut à consumer toute superfluité, il brusle et ronge, et son escharre chet bien tost.

; Le médicament putref actif , selon Auicenne, est celuy qui en corrompant la complexion de la chair, anieine en icelle vne humidité puante et corrompue, non pas à escharre, proprement à la semblance d’vue chair cadaureuse, et esthiomenée : et ce par vn superabondant froid ou chaud, ou sec, ou humide, ainsi que Galen signifie au cinquiesme des Medica-

1. « Ex ejiis resolutione et devastatione. « Joubert dit : que de sa dissipation et degast.