Caustique, est genre à escharolique et ruptoire. (J

SEPTIÈME TRAITÉ. — ANTIDOTAIRE

operation est dit lente ou tardiue, au cinquième des Medicamens.

Il y en a de foibles qui rompent seulement le cuir, font des vescies, et préparent à l’operation des putrefactifs, lesquels n’operent sinon en la chair desnuée de sa peau, comme les cantharides le miel des anacardes, les ails, plante lupine, flammule, ou marsilion, et anabulla : Les cantarides sont mises en estant pilées auec du leuain ou auec quelque suif, à la quantité d’vne drachme. Les autres sont appliquez seuls, à la quantité d’vn demy manipul. Il les y faut laisser l’espace de demy iour : et puis couper les vescies, et y mettre vne fueille de choux. Et s’ils prouoquoient ardeur d'vrme au patient (ce qu’ils font aucunesfois), qu’on luy donne à hoire du laict^ et soit mis dans vn bain d’eau de la décoction des mauues, violettes, cresson aquatique, et paritaire, iusques au nombril, et incontinent Tardeur s’appaisera.

Les forts sont plusieurs, et celuy qui est fait de la chaux viue mise en poudre, incorporée auec du sauon mol, et vn peu de saliue, est en cecy le principal. Il en faiit mettre la grosseur d’vne auelayne, c’est à dire vn peu plus ou moins, selon que le lieu requiert. Et le lieu doit estre deffendu tellement, qu’ils ne s’espandent, sinon là où l’on veut, et ce auec la coque d’vne petite noix, ou d’vn gros gland, ou auec du cuir, ou de toille cirée, ou auec du blanc d’œuf, ou autre chose glutineuse, percée selon la quantité que l’opération requiert. Et qu’on applique dessus, et aux enuirons quelque médicament froid, et soit lié estroittement, et qu’on l’y laisse l’espace de douze heures, pour le moins. Et si on prolongeoit ce terme, il s’y feroit meilleur escharre. Qu’on oste le caustique ayant fait son operation, et qu’on procure la cheute de l’escharre, auec du beurre laué, et incorporé auecvn peu de farine, ou auec quelque autre médicament vnctueux.

SEPTIESME CHAPITRE

Des medicamens des fractures^ et dislocations : et premièrement de ceux qui empeschent V apostemation.

ES medicamens des fractures et dislocations, sont faits aucunes fois en forme d’epitheme, autresfois en forme d’emplastre, quelquefois en forme d’vnguent. Et comme dit Auicenne au quatriesme, ils sont, quelques-vns pour empescher V apostemation eX douleur, les autres pour agglutiner et endurcir l’Arosboth ou

1. Ce sont exemples de Vésicatoires^ non pas des putrefactifs, qu’on met apres que les veines sont rompues et le lieu escorché. (J.)