I. « Fuit magistri Americi, et vocatur sudatorium

DOCT. n, CH. VI. — DES REMÈDES DU VENTRE 665

SIXIESME CHAPITRE

Des remedes du ventre.

premièrement, pour les trenchées ^ on loûe la laine auec son suyn trempée en vin de la décoction du cumin.

Secondement, pour les coups et cheutes, on loûe le breuuage commun, qui est d’Auicenne et de Rhasis : PR. mumie, bol arménien, terre scellée, de chacun vne once. Faites-en poudre, et qu’on en donne vne drachme auec vne once d’eau de plantain.

Tiercement, on loûe les breuuages de la poitrine, pour résoudre la matière assemblée au dedans.

Quatriesmement, on peut faire, pour le dehors, des emplastres ordonnez aux contusions.

En Vhydropisie, il est très-bon de prouoquer l’vrine. Et pource suiuant la doctrine de Galen, maistre Aimery prenait des grillons, ou des cantharides noires : et en ayant esté les testes et les aisles, il les brusloit au four, et en faisait poudre : de laquelle il en donnoit au soir vn grain auec du vin : et faisait tant pisser, que plusieurs en estaient deliurés de l’hydropisie.

En la douleur des rognons, et de la vescie, i’ay veu administrer vn quart de lexiue des cendres du tronc des febues : et faisait merueilles, en prouoquarit l’vrine, et nettoyant les voies vrinales, rejettent “la sanie, et la gravelle et en prouoquant les menstrués.

Rabby Moyses aussi pour les vlceres des rognons et de la vescie, a approuué l’eau distillée du petit laict de chevre, sous cettè forme : PR. du petit laict de chèvre, trois pintes ® : iuiubes, et sebestes, de chacun vne once : bol arménien, demy once : quatre semences froides mondées, de chacun trois drachmes : semence de pourpier, semence de pauot blanc, semence de coings de chacun deux drachmes, soient concassez et distillez, en soit fait eau.

Et Auicenne baille en Diabete, l’eau du petit lait de brebis. Et moy, pour Monseigneur le Cardinal de Tulles, y adioustois de l’herbe queue de chenal, plantain, roses, semences de guimaulue, et d’alque-