a Propter grossitiem sanguinis
NicaISE. — Guy de Chauliac. 3
PREMIER TRAITÉ; — AAATOMIE
SECOND CHAPITRE
De l'Anatomie de la peau, de la graisse, de la chair, et des muscles.
L faut commencer à la peau, d’autant qu’elle se présente la première en faisant l’Anatomie. La peau est la couuerture du corps, tissuë des fdaments des nerfs, veines, et arteres, creée pour deffence, et pour donner sentiment. Il y en a deux especes : l’vne couure les membres externes, et est proprement dite peau ou cuir, en laquelle sont remarquées cinq différences, au second UVsage des parties, chap. v. L’autre couure les membres internes : et est proprement ditte Pannicule ou membrane, comme les toiles du cerueau, et le pericrane, qui couure le crâne, tout ainsi que le périoste les autres os du corps : la pleure, le sifac ou péritoine, le péricarde, et les pannicules de toutes les autres entrailles.
La graisse vient apres, qui est comme huile, eschauffant et humectant les membres : de laquelle y a deux especes : l’vne extérieure près de la peau, qui proprement est appellée Graisse. L’autre intérieure, près du ventre et des reins, qui est ditte proprement Oing ou Axonge.
De suitte on rencontre la chair : de laquelle y a trois especes, sçauoir est chair simple, et pure : qui est en petite quantité, et ne se treuue qu’en la teste du membre viril, et entre les dents. L’autre est chair glanduleuse, ou nouyeuseS comme la chair des testicules, des mammelles, et des emonctoires. La troisiesme est la musculeuse, ou lacerteuse, et telle est en grande quantité, trouuée par tout le corps, en quelque lieu qu’il y ait mouuement manifeste et volontaire.
Muscle est vn instrument du mouuement manifeste et volontaire, au liure de l' Vsage des parties et aux liures des Mouuements manifestes et volontaires, par tout. Et jaçoit que les muscles soyent, quant au sens, membres simples, toutesfois, à la vérité, ils sont composez de nerfs et ligaments, et de chair qui remplit leurs filaments, et d’vne membrane qui les couure. Ainsi le veut Auicenne au premier liure de son Canon. Muscle et Lacerte, c’est tout vn ; mais il est dit Muscle, de la semblance d’vn Rat, et Lacerte, de la semblance d’vn Lézard : car ces bestes sont ainsi greilles et longues, de chasque part (au moins deuers la queue), et au milieu sont grosses, comme les muscles ou lacertes; nonobstant Henric, qui semble assigner différence entre eux.
