Aristote (Mingelousaulx

PREMIER TRAITÉ, — ANATOMIE

yeux, ou pourquoy ; le Chirurgien n’a pas à le considérer. Son alliance, ou colligeance est manifeste : que c’est auec la face, et le col : car d’icelle toutes les particules dn la face procèdent ; et les muscles qui meuuent la teste, sont plantez au col. Dont Halyabbas au troisiesme Sermon de la première partie disoit : Les muscles mouuans de la teste sont doubles : vne espece d’iceux meut particulièrement la teste, sans autre partie : et ils ont leur origine derrière les oreilles, iusques à paruenir aux clauettes. La seconde espece est commune à la teste et au col : desquels il sera dit au col.

La grandeur, ou quantité du pot est des plus grandes capacitez : veu que le cerueau est plus grand en l’homme, qu’és autres animaux de pareille grandeur.' Sa figure est ronde, à mode d’vne boule legerement pressée des deux costez ; et suiuant cela, il faut que le derrière et le deuant deuiennent bossus \ au second du Techni. Galen disoit la cause de ceste figure, au biiictiesme de VVsage des parties, chapitre penultiesme : De toutes les figures, dit-ii, celle qui est moins offencée, et aussi qui est la plus grande, et plus capable de toutes celles qui ont esgale circonférence, est la ronde. Quand à la substance on la verra estre ossuë et membraneuse, et moüelleuse : et sa complexion froide, par le nombre de ses parties.

Les parties de Voulle de la teste selon Auicenne en son Canon, tiers liure, chapitre premier, sont dix ou onze : sçauoir est cinq contenantes, et autant de contenues. Premièrement au dehors sont les cheueux, puis la peau, et en apres la chair musculeuse, puis le gros pannicule et puis le crâne. Suiuamment au dedans sont premièrement la dure mere, la pie mere ; en apres la substance du cerueau : puis au dessous du cerueau sont derechef la pie mere, et la dure mere. Finalement, le rets admirable, en apres l’os qui est la base du cerueau, et les plantes des nerfs ^ qui en sortent, de toutes lesquelles parties, il faut dire par ordre.

Des poils, de la peau, et de la chair musculeuse, il a esté assez dit cy-dessus. Du gros pannicule, que Galen appelle Pericrane, lequel couure tout le crâne, faut sçauoir qu’il est nerueux, et a son origine de la dure mere, et est lié auec elle par ligaments, nerfs et veines, qui entrent, et sortent par les commissures du crâne. Consequemment, est trouué l’os qu’on nomme Crâne. Il n’est pas d’vn os continuel, ains ordonné de sept contiguës, ou s’entretouchans : afin que s’il adulent lésion à l’un, elle ne passe à l’autre. Et sont conjoints par assemblage serratil % ou faict à mode de scie, afin que les vapeurs puissent expirer du cerueau.

Le premier os du pot de la teste, est de la part anterieure, et est nommé