L'ENFANT

A. a. a. ie ne scay parler Enfant suis : i'ay langue mue.

Hier naquis huy m'en fault aller Je ne faiz que entrer et yssue Rien n'ay mesfait. mais de peur sue Prendre en gré me fault c'est le mieulx L'ordenance Dieu ne se mue.

Ainsi tost meurt ieune que vieulx.

LE MORT

uidez vous de mort eschapper Clerc esperdu pour reculer :

Il ne s'en fault ia défripper.

Tel cuide souuent hault aller Qu'on voit a cop tost raualler Prenez en gré : alons ensemble Car rien n'y vault le rebeller Dieu punit tout quant bon lui semble.