LA RÉGENTE

Quant me souuient des tabourins Nopces. festes„ harpes, trompettes.

Menestrelx. doulcines. clarins :

Et des grans chères que jay faictes Je congnoiz que telx entrefaîctes En temps de mort n'ont point de lieu Mais tornent en pouures empleites Tout se passe fors amer Dieu.

LA MORTE

Gentille femme de chevallier

Que tant amez déduit de chasse

Les engins vous fault habiller

Et suiure le train de ma trasse

C'est bien chasser quant on pourchasse

Chose a son ame méritoire

Car au derrain mort tout enchâsse :

Geste vie est moult transitoire.