LA FEMME GROSSE

J'auray bien petit de déduit De mon premier enfantement Si recommande a Dieu le fruit Et mon ame pareillement.

Hélas, bien cuidoye aultrement Avoir grant joye en ma gésine Mais tout va bien piteusement :

^Fortune tost se change et fine.

LA MORTE

ictez, jeune femme à la cruche Renommée bonne chambériere Respondez au moins quant on huche Sans tenir si rude manière.

Vous n'irez plus a la riuiere Bauer. au four n'a la fenestre C'est ci vostre journée dernière :

Aussi tost meurt seruant que maistre.

LA CHAMBERIERE.

Quoi ma maistresse ma promis Me marier et des biens faire Et puis si ay d'autres amis Qui lui aideront à parfaire :

Hée m'en iray je sans rien faire J'en appelle, on me fait tort Aussi ne m'en scauroye je taire Peu de gens désirent la mort.

LA MORTE

Scauez vous recommanderesse Point ung bon lieu pour moy loger J'ay bien mestier que on m'adresse Car nul ne me veult héberger.

Mais j'en feray tant desloger Que on cognoistra mon enseigne Mourir fault pour vous abréger :

Nul ne pert que autre ne gaigne.

LA RECOMMANDERESSE.

En la mort n'a point de amité Et si ne fait riens pour requeste Or. argent, prière, pité Pour néant on s'en rompt la teste Qui y veult résister est beste La mort a nulluy ne complaist Et fault tous danser à sa feste :

Mourir conuient quant a dieu plaist.

LA. MORTE. LA MORTE

Femme de arant dévotion Cloez voz heures et matines Et cessez contemplation Car jamais n'yrés a matines. • Se voz prières sont bien dignes Elles vous vauldront deuant Dieu, Rien ne vaillent souppirs ne signes :

Bonne opération tient lieu.