CY PARLE L'AME AU CORPS

Toy char pouure et dolente pleine d'iniquité Ta foiblesse m'a fait perdre ma dignité En tes paroles n'a aucune vérité Et tout tant que tu dis n'est fors que vanité.

Verilé est que l'ame doit la char châtier Mais la char ne se veult pour l'ame corriger Se l'ame la reprend pe fait que rechigner Tousjours veult gourmander, rifler, boire et men-

[ger.

Quand la char doit jeûner elle a mal en "la teste Se elle ne boit matin c'est une grande tempeste : Un peu de pénitence luy fait si grant moleste Qu'on ne peult d'elle auoir joye, solas ne feste.

Je deuoye par droit auoir la signorie Mais tu la mas fortraite par ta lozengerie Tes délices charneux et ta maluaise vie Ou parfond puis d'enfer ont ma teste plongie.

Bien scay que j'ay erré quant ne t'ay refrénée Mais par tes flateries suis este barètée : Par tes mondains plaisirs m'as après toy menée Pour cela plus grant peine te deust estre donnée.

Car tu es trop allez le chemin et la voye Des delictz corporeulx que je te deffendoye, De l'ennemy d'enfer que toujours nous guerroya Pour quoy auons perdu de paradis la joye.

Le monde douant hier te monstroit beau visage. Richesse te donnoit et délices au large Et si te promectoit de viure long eage: Ore te fait la moe, c'est paier ton musage.

L'ACTEUR

Quant le corps voit que l'ame si trèsfort le reprent A crier et à braire vers elle se reprent Puis après simplement sa parolle reprent : Forment est dur le cueur à qui pitié n'en prent.