AMEN

Cy finit le débat du Corps et de l'Ame.

La grande Danse Macabre, 65 S'ENSUIT LA COMPLAINTE DE L'AME DAMPNÉE.

ous pécheurs qui fort regardez Cy de moy l'orrible figure De mal faire bien vous gardez Car ce monde bien petit dure.

Aduisé chascun en quel cure Pour les maulx que j'ay faiz suis mis : Es dyables suis baillé eu cure Et en enfer est mon logis.

Las le monde m'auoit promis

Que je viuroye longuement

Las voyés je suis icy mis .

A jamais sans defînement.

Et combien que j'eusse souuent

Eu volante de m'amander

Pour la mort qui m'a prins courant

Je n'y ai eu remédier.

Donc braire me fault et crier Pour le gref mal et le torment Qu'il me conuient cy endurer A jamais pardurablement.

Chascun apparçoit vrayement Que de la mort suis suppléante Viure cuydoye longuement Et en enfer si ma planté Pour ce chascun entalenté Soit de bien viure en ce monde Affin que par son orphante En mort Dieu ne le confonde.

Vray est que quant j'estoye au monde En mal mectoye toute ma cure :

Pour ce que du bien ne lins compte Le mai m'est torné a usure.

Donc raison est puis que n'euz cure Fors seulement d'optemperer A la charongne que Tarsure D'enfer me viengne consumer.

A ma charongne consoler Las, pour quoy oncques me consenti C'est raison de le comparer Trop tart je m'en suis repenti.

Trop tart a grant deul je le dy Pour quoy je ne voy tour ne voye Que jamais je puisse d'ici Yssir ne auoir nul jour joye.

Or et argent en ce monde auoye Dont je fuz fol et glorieux Car désordonneement larmoyé C'est plus que Dieu ne que les cieulx. Larron, glouton, luxurieux Plus que nul autre en mon viuant Ay je esté et en tous lieux :

Or regarde que testament Félon et furieux souuent ' Ay esté toute ma vie Rauisseur et fort murmurant Orgueilleux et tout plein d'envie.

Hélas ma très maudicte vie Que je raconte en vérité Mon barat et ma tricherie M'ont de tout bien déshérité Car nul est qui l'iniquité Peult penser ne le grief torment Que souffrir me font sans pité Les Dyables qui me détiennent;

Or puis je crier en brayant :

Las, pour quoy fus je oncques né Trop mieulx me vaulsit maintenant Que je fusse mort auorté Puisque ainsi est que abandonné Je suis es mains de l'ennemy Et que j'ay esté condampné A jamais demorer a luy :

Pour ce je prie et suppli Chascun de pénitence faire De ses péchés, affin que icy Ne soit mis dedans ce repaire.

Pensez donc chascun à bien faire Je vous emprie sur toute rien Affin que vostre aduersaire Ne vous empoigne en son lien.

N'actendez pas dehuy à demain La mort mercy ne vous fera Car celluy est ennuit tout sain Qui demain pas vif ne sera.

Grant paour doit auoir tout homme Qui sa vie a péché donne Et ne tient les commandemens Car il en soffrira tormens En enfer perdurablement Et après le grant jugement Qui moult sera espouuentable Accompagné sera de dyable Si n'a icy grant repentence Et faee fruit de pénitence.

EXP LICI T.

Enseignement proffitahle à toutes gens pour bien viure

et bien mourir.

Qui a bien viure veult entendre A mourir lui conuient apprendre Car nul bien viure ne saura Qui a mourir aprins n'aura.

Retien cestuy enseignement Pense une fois tant seullement Ung chascun jour que tu mourras Par ainsi bien viure pourras.

Aprens a viure moyennement Ainsi viuras plus seurement Car de tant plus haut monteras Plus a la fin dolent seras.

Fuy orgueil et fuy auarice, Ayme Dieu et garde justice De trop hault estât ne te chaille Car le plus hault ne vauit pas paille.

L'estat du monde est variable Ne cuyde nul qui soit estable Le temps se change en peu d'heure :

Tel rit au matin qu'au soir pleure.

Tant que tu seras en puissance Chascun te fera réuérence Mais se fortune t'est contraire Adonc verras chascun retraire.

Nul ne tiendra de toy plus compte, Et fusses filz de roy ou conte Chascun de toy s'elloignera Et comme fol te laissera.

Fortune n'est pas tousjours une Comparë tu es a la lune Qui croist et décroist en peu d'heure, En ung estât point ne demeure.

Fol est l'homme qui trop se fie En fortune, je le affie Son estât est trop deceuable Et en peu d'heure variable.

Regarde tout Testât du monde Et premier cil qui plus habonde En richesse et auctorité Tu trouueras tout vanité.

Que te vault ce que tu es riche Puisque tu es auer et chiche.

De bien faire tu te retardes Et si tu ne scès pour qui tu gardes.

Fol est qui trop cuyde estre saige Et qui baille son ame en gaige Pour assembler trop grant auoir.

Mieulx vault assez que trop auoir.

Le fol souuent en sa follie Prent plésir et se glorifie En ce qui lui est tout contraire Et faulte de sens luy fait faire.

Toy qui mets au monde ta cure Pence au mal à la peine dure Que les pécheurs endureront Quant en enfer trébucheront. ^

Tu voys mourir et folz et saiges Foibles et fors, et roys et paiges.

Tu voys que mort n'espargne rien Pense doncques de faire bien.

Tu ne scès quant départiras De ce monde ne ou tu yras.

Mais au moins crois sur toute rien Que bien auras se tu fais bien.

Tu trouveras certainement Après ta fin tant seullement Le bien ou le mal que feras Et selon ce, jugé seras.

Tant que tu vis et a de quoy Pence en ce monde de toy Et n'atens pas que tes parens A la fin te soyent garens.

Or regardez et aduisez

Que par orgueil vous desguisez

Que tel fierté proffitera

A celluy qui dampné sera.

Regarde ta fragilité Ainsi auras humilité

Trop grant orgueil t'abaissera Humilité tessaulsera.

Puis que voyons certainement Que mourir fault finablement Pensons doncques de si bien viure Que d'enfer nous soyons deliure.