C.Richard

Gallier.

Vaissière.

Poisson.

Pecoil.

Piccou.

Guzmier.

Bernard.

Penault.

Aguesseau.

Verges, c. Serre, c. Plasses.

Navelle.

c. Fialac.

c. De Roddes.

Guette.

Igapailhot.

c. Orlandin*.

Passard.

Loys.

Estienne Gaigneron.

Michel.

Clément dict Voisin.

Hostier.

c. Minet.

Esquelz susnommés sont seulement comparus ceulx qui sont marqués au marge par la lettre c, et, après que les absens ont esté longuement et suffisamment attendus, led. prevost des marchans a faict la proposition susd. de la cause de ceste assemblée et a disertement exposé et faict balanser toutes les raisons et circonstances que les plus judicieux ont mis en advant quand il a esté pourparlé du faict dont est question, les unes faisans pour monstrer que la deffénce de l'entrée et usage de marchandises estrangières en ce royaulme peult apporter beaucoup d'utilité à cested. ville en particuUier, et les autres monstrans, tout au contraire, que ce seroit la ruyne du commerce estably en icelle sans lequel elle ne peult commodément subsister; et neantmoingtz parce que toutes en gênerai concourront en une mesme conclusion que lad. deffense seroit utile et profûtabie à tout ce royaulme quelque bien ou mal que ceste ville en puisse rapporter en son particuUier, led. s' prevost des marchans a prié les assistans qu'en opinant par ordre sur l'importance

1. Benoît du Troncy, notaire, né vers 1525, mort vers 1600, premier traducteur du De consolatiane.

2. Alessandro Orlandini, marchand d'origine toscane, avait prêté à Henri IV 450,000 L

de cette theze, qui est vrayement problématique, de scavoir sy lad. Tille rapporteroit utilité ou non de lad. deffence, il leur plaise ne se poinct tant arrester à cella qu'à prévoir et ouvrir les moyens par lesquelz, en tant que Sad. Majesté postposant nostre interestz particullier à celluy du gênerai, viendroit à se resouldre de faire lad. defifence, pour le moingtz s'y ayt mal pour cested. ville l'on en puisse tirer du bien, et sy c'est bien pour elle que, sur ce sujet, l'on puisse meliorer sa condition, se pouvant chascun asseurer que lesd. sieurs prevost des marchans et eschevins, après avoir heu le bon advis de ceste assemblée (qu'ilz eussent désiré estre plus grande comme elle l'eust esté des deux tiers sy tous ceulx qui ont esté priés d'y venir n'eussent defailly au debvoir qu'ilz ont au public) ne manqueront incontinent de depescher en court homme cappable de faire les-remonstrances et poursuictes qui seront jugées plus utiles pour le bien de cested. ville et par mesme moyen de charger de plusieurs aultres affaires tellement importantes que peult estre il ne se présente de longtemps occasion plus neccessaire d'y envoyer; sur quoy, après que chascun des assistans a opiné distinctement et par ordre, la diversité et contrariété de leurs opinions ayant esté grande parce que la pluspart ont dict y estre venus sans avoir preveu la difficulté qui s'offre qui est neantmoingtz de conséquence infime, a esté arresté que chascun y pensera à part soy et en communiquera avec les aultres qui ne sont en ceste assemblée et qui en peulvent parler avec jugement, pour, dans trois jours prochains, apporter leur dire par escript et le remectre es mains du greffier de lad. ville, afin que, estant sur ce prinse quelque sayne délibération, l'on puisse députer et envoyer en court au plus tost que faire se pourra homme digne d'une charge de sy grand poidz.

(Arch. de la ville de Lyon, BB 135, fol. 120 et suiv.)

Lettres des prévôt des marchands et éghevins.

Du dixiesme jour de septembre l'an mil cinq cens • quatre vingtz dix huit, en l'hostel commung.

A tous ceulx qui ces présentes verront. Nous Baltazar de Villars, con<«' du Roy, président et lieutenant gênerai des seneschaussée, siège presidial de Lyon et parlement de Dombes, prevost des marchans, François de Muzino, con«' du Roy et président en l'eslection de Lyonois, François Benoist, seigneur de la Chassaigne, Jacques Jacquet, seigneur de la Verrière, et Guillaume Charrier, eschevins de la ville et communaulté de Lyon. Scavoir faisons que, comme présentement lad. ville soit chargée de plusieurs grandes affaires ausquelles il est besoing de pourveoir, et, pour ce faire, envoyer en court homme capable de la poursuite d'icelles; ainsy qu'il a esté jugé nécessaire en

diverses assemblées sur ce faictes mesmes et par especial à l'occasioii de la defifence que Ton tient avoir esté proposée et comme résolue aud. conseil de Sa Majesté de rentrée et usage dans ce royaulme de toutes marchandises manufacturées hors icelluy, de laquelle deffence procederoit une grande ruyne à lad. ville sy, pour le moingtz, il ne plaisoit à Sad. Majesté l'ordonner avec des conditions et modérations qui feissent cesser ung interest de sy grande importance selon les ouvertures qui en seront faictes pour le bien et utilité de lad. ville, conservation du commerce et establissement des arts et mestiers en icelle. Item, etc.

A ces causes avons d'une mesme voix et délibération nommé, commis et député led. Thomé pour la poursuite des affaires de la ville, (Arch. de la ville de Lyon, BB 135, fol. 133 v.)

Lettre de la ville de Lyon au chancelier.

12 décembre 1598.

Monseigneur,

Ce ne vous doibt estre chose nouvelle de recepvoir nos importantes requestes, mais le bon et asseuré support que nous avons tousjours treuvé en vous en toutes nos afflictions nous y faict d'aultant plus recourir que aussy nous croyons que les prenés de bonne part comme estant pour le bien et service du Hoy et conservation de ceste ville en son obéissance. C'est pourquoy nous sommes contrainctz de vous escripre sur le sugect de la proposition faicte par les habitans de la ville de Tours pour la defence des manufactures estrangières, leur prétexte est beau en apparence parce qu'ilz se couvrent du bien public, mais soubz ce voile est caché leur gaing particullier et la perte de ceste ville, une des plus importantes du royaume, comme a esté fort amplement remonstré de nostre part par nostre greffier que nous avons expressément député; encores que aulcungs particuUiers habitans ayant vollu, par un très pernicieux monopolle, faire croire que ce n'estoit point ung consentement gênerai ny une resolution de nostre corps. Monseigneur, nous vous supplions très humblement de n'avoir aulcun esgard à ces déclarations mendiées et dont les porteurs debvroyent estre chastiés d'avoir voilu, par des assemblées illicites et très dangereuses, pratiquer des advis contraires aux resolutions du corps de ville, et comme ce n'est poinct nostre interest particullier, mais le gênerai qui nous convie à embrasser ceste cause generalle. Nous pouvons dire avec vérité que, sy le desseing de nos envieux a lieu, que ceste grande ville, qui a esté la première qui a secoué le joug de l'injuste domination pour recognoistre son prince naturel, perdra en ung instant sou

nom et sera rendu esgalle au plus dépeuplé village de ce royaulme. La liberté du commerce est son ornement, voire son seul maintien, si elle en est privée, l'on verra, dans peu d'années, que les marques de la ruyne la feront recongnoistre avoir esté grande quelques fois. Monseigneur, nous espérons que ces justes plainctes vous persuaderont de nous assister de vostre favorable secours pour empescher ceste cbeute, qui ne seroit pas nostre sceullement, mais apporteroit dommaige à tout le royaulme. Nous demeurons, par ce moyen, tousjours obligés du très humble service que nous vous debvons et à prier Dieu qu'il vous doinct, Monseign', en parfaicte santé, heureuse et longue vye.

(Arch. de la ville de Lyon, AA 141.)

vn.

Arrêt du CSomseil d'Ëtat du 14 décembre 1600.

Sur la requeste présentée par les prevost des marchans et eschevins de la ville de Lyon à ce qu'il pleust au Roy ordonner que les colonels et cappitaines suisses prendront communication de leur production faicte sur Topposition qu'ilz ont formée à Testablissement qu'on veult faire des maistrises en lad. ville suivant l'eedict de l'année MV^^IIII" ung pour icelle contredire si bon leur semble, et cependant leur faire deffenses de passer outre à l'exécution dud. edict, le Roy^ en son conseil, a ordonné que la surceance cy devant accordée aux supplians pour six septmaines sera encores continuée pour décembre, pendant laquelle S. M. faict deffenses de passer outre à l'exécution dud. eedict.

(Bibl. nat., ms. fr. 18165, fol. 96.)