LXXVI PIECES JUSTIFICATIVES

noz enfans... Donné a Paris le xvj^ jour de may l'an de grâce mil CCCC et troiz. Par monseigneur le duc, vous présent. OLR. DU SOLIER [paraphe].

(Bibl. Nat., Pièces originales 322, le Besc i) [signalé par M. Léopold Delisle].

2. Sachent que je Odart de Foillay, secrétaire de monseigneur le duc d'Orléans et maistre d'escolle de monseigneur le conte d'Engolesme, son frère, confesse avoir eu et receu de maistre Pierre Sauvage, secrétaire et argentier de mondit seigneur, la somme de quarente cinq sols tournois laquelle j'ay aujourd'hi paiée pour monseigneur le duc pour une A Bé Ce en parchemin les lectres d'icelle dorées que j'ay achetées pour ma damoiselle Jehanne d'Orléans sa fille... Tesmoing mon seing manuel cy mis le pénultième jour de mars l'an mil CCCC et quatorze avant pasques. O. DE FOUILLOY (signature autographe).

(Bibl. Nat., Pièces Originales, 121 5, Foulloy, 5).

3. Sachent tuit que je, Colin le Besq, escrivain et libraire demourant a Paris, confesse avoir receu de maistre Pierre Sauvage, secrétaire et argentier de monseigneur le duc d'Orléans, la somme de soixante sept sols six deniers tournois en laquelle ledit seigneur m'estoit tenus pour avoir nectoyé, relié et doré par dehors un Missel pour mondit seigneur le duc... Tesmoing mon seing manuel cy mis le xiiij'^ jour de juing l'an mil CCCC et quinze. COLIN LE BESQ. (autographe).

(Bibl. Nat., Pièces originales 312, le Besq, 2).

4. Charles, duc d'Orliens et de Valois, conte de Blois et de Beaumont et seigneur de Coucy, a nostre amé et féal trésorier gênerai Pierre Renier, salut et dileccion. Nous voulons et vous mandons que des deniers de noz finances vous baillez et délivrez sans delay a frère Raoul Nantel, religieux augustin, la somme de vint et cinq livres tournois que nos amez et feaulx les gens de nostre conseil ont ordonné lui estre présentement baillée tant pour soy habiller et monter comme pour les despens qu'il lui convendra faire en alant de la ville de Paris es parties d'Angleterre porter devers nous unes Heures de Nostre Dame et faire aucunes autres choses qui par lesdictes gens de nostre conseil lui ont esté enchargées. Et par rapportant ces présentes et quictance dudit religieux nous voulons la dicte somme de xxv 1. tournois estre allouée en