DU DÉVOUEMENT A LA PATRIE

Nul labeur ne vous doit estre grief pour celuy pays saulver qui vous repaisl et nourrist entre les vivans, et entre les morts vous receoit en sépulture. Si est force de dire que ceulx sont dénaturez, qui au besoing et pour le salut de leur pays nefForcent leur povoir, et mieulx veulent soy laisser périr avec la chose publicque que pour icelle soy exposer a péril. Donc pourroit il sembler que la loy de nature seroit plus partaictement accomplie es bestes que en nous aultres', et que vous seriez trouvez plus desnaturcz quelles qui nont pas entendement de raison, quant les oyseaulx au bec et aux ongles défendent leurs nicqz {7iid$) et les ours et les lyons guardent leurs cavernes a la force de leurs griffes et de leurs denz.