DE L.V NÉCESSITÉ DU SALUT

... Or, levez les esperitz, qu'en dictes vous, seigneurs? Regardez moy tous. Estes vous la, les usuriers plains davrice? certes il fault restituer; etnesouffist mye de dire : « Je ferai dire des messes, je donnerai pour l'amour de Dieu; » il fault rendre les biens a ceulx a qui ilz sont, ou jamais n'entrerez en paradis.

Baillifz, escouttestes, escabins et toutte telle manière de buillon qui composez les povres gens, et ne laissez vos rapines ne péchiez, pour preschement ou doctrine que vous oyez : seigneurs, vous estes durs; mais vous trouverez plus dur que vous. — Quel remède, frère? — Il fault laissier vos péchiez et rendre a chascun ce quil luy appartient. Vous y penserez! Dieu vous en doint la grâce, Le Pater noster et Ave Maria, et une Ave Maria pour mon intention.

MARTIAL DE PARIS, DIT D'AUVERGNE (mort en 1508)*.

FRAGMENT DES VIGILLES.

Il n'est tel plaisir Que d'être à gésir Parmy les beaux champs; L'herbe verd choisir, Jouer qui a loisir Et prendre bon temps; Voyre à toutes gens, Bourgoys ou marchands, Pour eux rassaisir.

Car petits et grands En vivent plus d'ans Selon leur désir.

Mieux vaut la liesse, L'accueil et l'adresse,

L'amour et simplesse Des bergiers pasteurs, Qu'avoir à largesse Or, argent, richesse Ne la gentillesse De ses grands seigneurs; Car ils ont douleurs Et des maulx greigneurs.

Mais pour nos labeurs Nous avons sans cesse, Les beaulx prés et fleurs, Frutaiges odeurs, Et joye à nos cœurs, Sans mal qui nous blesse.