PORTRAIT DE FRANÇOIS

De sa beaulté il est blanc et vermeil, Les cheveulx bruns, de grande et belle taille; En terre il est comme au ciel le soleil. Hardi, vaillant, sage et preux en bataille. Fort et puissant, qui ne peut auoir peur : Que prince nul, tant soit-il grand l'assaille. 11 est begnin, doux, humble en sa grandeur, Fort et constant et plein de patience, Soit en prison, en tristesse ou malheur. Il a de Dieu la parfaicte science Que doit auoir ung roy tout plein de foy, Bon jugement et bonne conscience.