LE CONSEIL DU ROI AVANT LA BATAILLE DE CÉRIZOLLES

... Le roy lors s'esmeut un peu de ce que toutes les compagnies de la gendarmerie ny celles des chevaux légers n'estoient complettes; mais je luy dis qu'il estoit impossible, et qu'il y en avoit qui avoient obtenu congé de leurs capitames pour aller à leurs maisons se rafraischir, et d'autres étoient malades; mais que, s'il plaisoit à Sa Majesté donner congé aux gentils-hommes qui le luy demanderoient, pour se trouver à la bataille, ils supplééroient bien au deffaut qui pourroit estre esdites compagnies. « Puis doncques. Sire, dis-je lors continuant mon propos, que je suis si heureux que de parler devant un roy soldat, qui voulezvous qui tue neuf ou dix mil hommes, et mil ou douze cents chevaux, tous résolus de mourir ou de vaincre? Telles gens que cela ne se deffont pas ainsi; ce ne sont pas des apprentis. Nous avons souvent sans advantage attaqué l'ennemy, et l'avons le plus souvent battu. J'oserois dire que si nous avions tous un bras lié, il ne seroit encores en la puissance de l'armée ennemie de nous tuer de tout un jour, sans perte de la plus grand part de leurs gens et des meilleurs hommes. Pensez donc quand nous aurons les deux bras libres et le fer en la main, s'il sera aisé et facile de nous battre. Certes, Sire, j'ay appris des sages capitaines, pour les avoir ouv discourir, qu'une armée composée de douze à quinze mil hommes est bastante d'en affronter une de trente mille; car ce n'est pas le grand nombre qui vainc, c'est le bon cœur ; un jour de bataille, la moitié ne combat pas; nous n'en voulons pas d'avantage; laissez faire à nous. » Monsieur le Dauphin s'en rioit derrière la chaire du roy, continuant tousjours à me faire signe de la teste; car à ma mine, il sembloit que je fusse desjà au combat. « Non, non, non, Sire, ces gens-là ne sont pas pour estre deffaits. Si messieurs qui en parlent les avoient veus en besongne, ils changeroient d'advis, et vous aussi; ce ne sont pas soldats pour reposer dans une garnison; ils demandent l'ennemy et veulent monstrer leur valeur; ils vous demandent permission de combattre ; si vous les refusez, vous leur esterez le courage, et serez cause que celuy de vostre ennemy s'enflera, peu à peu vostre armée se deffera. A ce que j'ai entendu, Sire, tout ce qui esmeut messieurs qui ont opiné devant Votre Majesté est la crainte d'une perte; ils ne disent autre chose, si ce n'est : Si nous perdons, si nous perdons; je n'ay ouy personne d'eux qui aye jamais dit : Si nous gaignons, si nous gaignons^ quel grand bien nous adviendra ? Pour Dieu, Sire, ne craignez de nous accorder nostre requeste, et que je ne m'en retourne pas avec ceste honte qu'on die que vous avez peur de mettre le hasard d'une bataille entre nos mains, qui vous offrons volontiers et de bon cœur notre vie. » Le roy qui m'avoit fort bien escouté, et qui prenoit plaisir à voir mon impatience, tourna les yeux devers monsieur de Sainct Pol lequel luy dit alors : -1 « Monsieur, voudriez-vous bien changer d'opinion pour le dire de ce fol, qui ne se soucie que de combattre, et n'a nulle considération du malheur que ce vous seroit si perdions la bataille : c'est chose trop importante pour la remettre à la cervelle d'un jeune Gascon. — Alors je luy respondis ce mesme mot : Monsieur, assurez-vous que je ne suis point un bravache, ny si escervelé que vous me pensez. Je ne dis point cecy pour braverie : car, s'il vous souvient (le tous les advertissements que le roy a eu depuis que nous sommes retournés de Perpignan en Piedmont, vous trouverez qu'à pied ou à cheval, où nous

* Voir l'Appendice à la fin du tome.

avons trouvé les ennemis, nous les avons toujours battus. Il ne nous faut

faire autre chose sinon de bien adviser de ne les aller assaillir dans un fort, comme nous fismes à la Bicoque ; mais monsieur d'Anguyen a trop de bons et de vieux capitaines pour faire une telle erreur, et ne sera question, sinon de chercher le moyen de les trouver en campagne rase, où il n'y ait ny haye ni fossé qui nous puisse garder de venir aux mains; et alors, Sire, vous entendrez des plus furieux combats qui jamais ayent esté. Et vous supplie très humblement ne vous attendre à autre chose, sinon d'avoir nouvelles de la victoire; et si Dieu nous faict la grâce de la gagner (comme je me tiens asseuré que nous ferons), vous arresterez l'empereur et le roy d'Angleterre sur le cul qui scauront quel parti prendre. » Monsieur le Dauphin conlinuoit plus fort en riant à me faire signe ; qui me donnoit encore une grande hardiesse de parler. Tous les autres parloient et disoient que le roy ne se devoit aucunement arrester à mes paroles. Monsieur l'admirai ne dit jamais mot, mais se sourioit, et croy qu'il s'estoit aperçu des signes que monsieur le Dauphin me faisoit, étant presque vis à vis l'un de raiitrc. Monsieur de Sainct Pol recharge encore disant au roy : « Quoy, Monsieur, il semble que vous voulez changer d'opinion, et vous attendre aux paroles de ce loi enragé? » Auquel le roy respondit, disant : « Foy de gentil-homme, mon cousin, il m'a dict de si grandes raisons, et m'a représenté si bien le bon cœur de mes gens, que je ne scay que faire. » Lors ledict seigneur de Sainct Pol luy dit : « Je voy bien que vous estes desjà tourné. » (11 ne pouvoit voir les signes que monsieur le Dauphin me faisoit, car il avoit le dos tourné à luy, comme faisoit monsieur l'admirai.) Surquoy le roy, addressant sa parolle audict sieur admirai, luy dict, qu'est-ce que luy en sembloit ? Monsieur l'admirai se print encore à sourire, et luy respondit : « Sire, voulez-vous dire la vérité ? Vous avez belle envie de leur donner congé de combattre. Je ne vous asseureray pas s'ils combattent, du gaing ny de la perte, car il n'y a que Dieu qui le puisse sçavoir ; mais je vous obligeray bien ma vie et mon honneur que tous ceux-là qu'il vous a nommés combattront, et en gens de bien, car je sçay ce qu'ils vallent, pour les avoir commandés. Faictes une chose; nous cognoissons bien que vous estes à demy gaigné, et que vous panchez plus du costé du combat qu'au contraire; faictes vostre requeste à Dieu, et le priez que à ce coup vous vueille ayder et conseiller ce que vous devez faire. » Alors le roy leva les yeux au ciel, et joignant les mains, jettant le bonnet sur la table, dict : « Mou Dieu, je te supplie qu'il te plaise aujourd'huy me donner le conseil de ce que je dois faire pour la conservation de mon royaume, et que le tout soit à ton honneur et à ta gloire. » Surquoy monsieur l'admirai luy demanda : « Sire, quelle opinion vous prend-il à ))résent? » Le roy, après avoir demeuré quelque peu, se tourna vers moy, disant comme en s'escriant : « Qu'ils combattent 1 Qu'ils combattent 1 »

{Commentaires, livre 71.)

L'HOPITAL (le chancelier de) (1o03— 1537) K