M. qui vient — 565. M. le voy

Mais tu fais ta fortune, & t'acquiers vne gloire, Qui pourroit esgaler l'honneur d'vne victoire, Tu preserues ton Roy d'vn funeste accident, Tu nous retires tous d'vn naufrage euident.

575 Et dans cette entreprise où ie te sers de guide, Le labeur est léger & le prix est solide, Tu vas en cet exploit par ma commission, Tu n'auances du tien que sous ma caution : C'est moy qui te présente, & c'est moy qui t*auouë,

580 Qui vay donner le bransle & pousser à la roue. Tu sçais bien que le Roy croit assez de léger, Et que c'est vn esprit que ie sçay ménager. Ton raport va surprendre vne ame défiante, Crédule, furieuse, & fort impatiente.

585 Dans ce trouble excité, si tu fais ton deuoir, Il mordra Tameçon sans s'en apperceuoir. C'est vn apas subtil que ie luy feray prendre. Sans qu'il ait le moyen de s'en pouuoir deffendre. Puis pour ta seureté tu seras aduerty,

590 Que Mariane mesme est de nostre party. Son cœur enuenimé d'vne rage nouuelle.

S'entend auecque nous pour conspirer contr'elle. Tout à l'heure en deux mots elle m'a fait iuger Qu'elle va voir le Roy pour le desobliger :

595 Tu sçay de quelle sorte il suporte vne iniure, Sers toy donc à propos de cette conioncture ; Tout rit à nos desseins, tout respond à nos vœux. L'occasion paroist, pren-la par les cheueux.