N° VIII

1544 (n. s.) 23 février. — Arrêt de la Chambre des Monnaies qui enjoint aux Gardes d'Angers de n'user dans les papiers de délivrances que des termes réglés par les ordonnances.

Veu par la Chambre le registre des délivrances de l'ouvraige faicl en la Monnoye d'Angiers, apportées aujourd'hui par François Dodinet, l'un des Gardes de ladicte Monnoye, par lesquels registres les (laides et aultres officiers de ladicte Monnoye en faisant les délivrances de l'or, usent de ces nuits : deniers el grains, au lieu de karats, félins et demy félins et aultres termes desquels on

a accoustumé user en ladicte chambre et ouy sur ce

François Dodinet. lequel a dit que l'on n'avoit accous-

tumé d'user en ladicte Monnoye d'Angiers d'autres termes en faisant lesdictes délivrances, soit d'or, soit d'argent, que du marc, de l'once, deniers, grains et demys grains, tant à la loy que au poix; ladicte Chambre a inhibé et deffendu aux Gardes, Essaieur, et autres officiers d'Angiers, de ne plus user desdicts mots et termes en faisant lesdictes délivrances de l'or ou de l'argent, que ils ayent à se régler comme les autres officiers du royaume et faire leurs délivrances au marc d'or, lequel a vingt-quatre karats d'aloy, et à chascun karat un demy karat, deux quarts de karat, un quart, un huitiesme, un seiziesme, un trente deuziesme de karat, et en faisant les délivrances, escrire au registre : etd'alloy à vingt deux karats, trois quarts, ung huitiesme, ou ung huitiesme et ung seiziesme, ou ung trente deuxiesme de karat. Et quant au poix, ledict marc a huit onces, chascun once a vingt estellins, chascun esterlin a deux oboles, chascune obolle a deux félins, chascun félin a quatre quarts de félins, et faisant lesdictes délivrances escrire fors de poids ou foibles en trois marcs de deux félins

et quatre félins et demy.

(Arch. nat., Z lb 10, f° 288 v°.)