N° XI

1566 (n. s.) 4 février. — Requête des officiers de la Monnaie d'Angers au Conseil de Ville pour désigner des commissaires chargés de s'occuper des réparations à faire à la Monnaie et délibération du Conseil à ce sujet.

Lundi, quatriesme jour de février 1565.

A Messieurs les Maire et eschevins de la ville et mairie d'Angers.

Supplye humblement les officiers de la Monnoye dudict lieu comme il soit ainsi que le roi nostre sire eust faict édict sur le règlement de ses Monnoyes le troisiesme jour de mars 1554, par lequel est dict qu'il n'y aura plus de Monnoies ouvertes et besongnans synon es villes esquelles sont establis les trézoriers de France et généraux des tinances, au grand préjudice et intérests du bien public, ce voyant, de vos bonnes grâces vous aiez, au mois de Febvrier mil cinq cens cinquante six, présenté requeste au roi nostre sire tendant à fin faire ouvrir et besongner ladicte Monnoye- comme auparavant ledict édict, et que en vertu d'icelle, elle avoit esté ouverte au grand prouffit et utilité de la République, à la charge toutesfois faire des réparacions utiles et nécessaires de l'hostel et maison de ladicte Monnoye aux despensde ladicte maison de ville, comme plus à plain est contenu es lettres de ladicte ouverture. Ce considère, Messieurs, attendu le bien public de ladicte ouverture, vous plaise ordonner commissaires pour veoir et visiter les réparations nécessaires de ladicte maison et icelles faire faire et faire paier par le recepveur des deniers communs de ladicte ville suyvant l'édict du roy, ce faisant vous obli-

lesdicts supplians à prier Dieu pour vos bonnes prospérités et sautez. Ainsi signé : Eïaran, Breslay.

Veue ladicte requeste, a esté répondu que ce n'esl à ceste maison de faire les reparacions de l'hostel et maison de la Monnoye de ceste dicte ville et que si aulcun s'est efforcé au Dom de cestedicte maison de requérir que ladicte Monnoye fust ouverte pour y besongner comme de coustume à la charge de faire les reparacions u tilles et nécessaires desdictes hostel et maisons de ladicte .Monnoye, queceauroitesté faict sans charge, et que celluy qui auroit faict ledict offre. ['au roi t faict sans pouvoir et procuration de cestedicte maison, el encores moinssans délibéracion et conclusion du Conseil de ladicte ville, et si mestier est. est désavoué et de faicl à estre désavoué parce que les deniers communs de ladicte ville sont du tout destinez pour employer aux fortifications, reparacions et entretenement et aultres affaires de ladicte ville sans aucunement les employer en aultres usaiges, et aussi que pour le présent, tant à cause des troubles que aultres urgens affaires qui sont sourvenuz ny a aucuns deniers et est la maison de ville redebvable à plusieurs personnes de quinze mil livres au plus. Faict au Conseil de la ville d'Angers, séant en l'hostel et maison d'icelle, le quatriesme jour de janvier 1565.

(Arch. de la mairie d'Angers, BB, 30, f° 257 v°.)