SERVUS SERVORUM DEI

Ad perpetuam rei memoriam.

Officiorum ac munerum, quæ diligentissime sanctissimeque servari in hoc apostolico fastigio oportet, hoc caput atque hæc summa est, assidue vigilare atque omni ope conltendere, ut integritas fidei morumque christianorum ne quid detrimenti capiat. Idque, si unquam alias, maxime est necessarium hoc tempore, cum, effrenatis licentia ingeniis ac moribus, omnis fere doctrina, quam Servator hominum Jesus Christus tuendam Ecclesiæ suæ ad salutem generis humani pérmisit, in quotidianum vocatur certamen atque discrimen. Quo in certamine variæ profecto atque innumerabiles sunt inimicorum calliditates, artesque nocendi: sed cum primis est plena periculorum intemperantia seribendi, disseminandique in vulgus quæ prave scripla sunt. Nihilenim cogitari potest perniciosius ad inquinandos animos per contemptum religionis perque illccebras multas peccandi. Quamob-