Abailard

Pour son amour eut cet essoyne ' Semblablement, où est la royne Qui commanda que Buridan Fust jette en ung sac en Seine ?

Mais où sont les neiges d'antan !

La royne Blanche comme un lys, Qui chantoit à voix de sereine'; Berthe au grand pied, Bielrys, Allys ; Harembourges qui tint le Mayne, Et Jehanne, la bonne Lorraine, Qu'Anglois bruslèrent à Rouen; Où sont-ils, Vierge souveraine ?...

Mais où sont les neiges d'antan !

ENVOI

Prince, n'enquerez de sepmaine Où elles sont, ne de cest an, Que ce refrain ne vous remaine* :

Mais où sont les neiges d'antan I

BALLADE

que Villon feit à la requeste de sa mère pour prier Nostre-Dame

Dame du ciel, régente terrienne, Emperière des infernaulx palux, Recevez-moy, vostre humble chrestienne, Que comprinse soye entre vos esleuz.

Ce non obstant qu'oncques rien ne valuz. Les biens de vous, ma dame et ma maistresse, Sont trop plus grans que ne suis pécheresse, Sans lesquelz biens ame ne peult merir N'avoir les cieulx, je n'en suis jengleresse* En ceste foy je vueil vivre et mourir.