ÉGLOGUE

L'enfance de Marot

Sur le pruitemps de ma jeunesse follô.

Je resseniblois l'arondelle qui vole,

Puis çà, puis là : l'aage me conduisoit

San paour ne soing, où le cueur me dlsoit.

En la forest, sans la crainte des loups,

Je m'en allois souvent cueillir le houx.

Pour faire gluz à prendre oyseaulx ramages '

Tous différents de chantz, et de plumages,

Ou me soûlais', pour les preoidre, entremettre

A faire bricz ' ou cages pour les mettre.

Ou transnouois* les rivières profondes.

Ou r'enforçois sur le genoil les fondes ',

Puis d'en tirer droict et loing j'aprenois

Pour ciiasseiT loups et abbatre des noix.

O quantesfoys aux arbres grimpé j'ay.

Pour dénicher ou la pye, ou le geay.

Ou pour jeter des fruictz ja meurs et beaulx

A mes compaings qui tendoient leurs chapeaux

Aucunesfoys aux montaignes alloye,

Aucunesfois aux fosses devalloye.

Pour trouver la les gistes des fouines.

Des hérissons ou des blanches hermines,

Ou pas à pas le long des buyssonnetz

Allois chercher les nids des chardonnetz

Ou des serins, des pinsons, ou lynottes,

Desja pourtant je faisois quelques nottes

De chant rustique, et dessoubz les orm.eaux

Quasy enfant sonnois des chalumeaux.

Si ne sçaurois bien dire, ine penser.

Qui m'enseigna si tost d'y commencer,

Ou la nature aux Muses inclinée,

Ou ma fortune, en cela destinée

A te servir : si ce ne fust l'un d'eux.

Je suis certain que ce fureint tous deux.