Maisons

Religion est dévote et fervente.

Equité vault, humanité est gente.

On voit les ars, mécaniques mestiers, Remettre en bruit, et besongner ouvriers. Povres qui ont disettes et souffrance Reçoivent lors d'aulmones habondance.

Les anciens et vieulx tiennent propos

Du temps passé, buvans vin à pleins potz

On voit en bruit sciences et disciplines,

Et jeunes gens instruitz en loix divines.

Filles on voit, pourveueis par honneur

De bons maris ; mères alors ont cueur

Délibéré faire leur délivrance '.

Mais quant Guerre est mise sus par oultrance.

Hélas, vray Dieu ! que peult on estimer.

Sinon que c'est une très grande mer

Qui de tous maulx débordant nous inonde,

En submergeant toutes choses du monde ?